«Nur Otan» partiiasy Tóraǵasynyń Birinshi orynbasary Baýyrjan Baibek Almatyda azamattardy qabyldady. Ol 2016 jyly ońtústik astanada oryn alǵan terakt kezinde qaza tapqan politsei Aian Ǵalievtiń otbasymen jáne 10 bala tárbielep otyrǵan kópbalaly, jalǵyzbasty anamen kezdesti, - dep habarlaidy "Ult aqparat" «AstanaTV» telearnasyna silteme jasap.
5 jyl buryn almatylyq politsei Aian Ǵalievtiń otbasy asyraýshysynan aiyryldy. Politsiia qyzmetkeri terroristtiń qolynan qaza tapty. Marqumnyń zaiyby men eki balasyna Tuńǵysh Prezident Nursultan Nazarbaevtyń atynan sol kezdegi qala ákimi Baýyrjan Baibek páter kiltin tabys etken bolatyn. Jańa qonys ieleriniń turǵyn úige alańsyz jaiǵasýy úshin jóndeý jumystaryna da kómek berildi. «Sodan beri memlekettiń ǵana emes, barsha qazaqstandyqtardyń qoldaýyn sezinip kelemiz», — deidi politsiia qyzmetkeriniń jesiri Anar Asanova partiia Tóraǵasynyń birinshi orynbasarymen kezdesý barysynda.
«Bul tragediia bolǵan kezde men balalarymyz, olardyń bolashaǵy úshin qatty alańdadym. Óitkeni, biz asyraýshymyzdan airylyp qaldyq. Biraq, keiin biz jalǵyz emes ekenimizdi uǵyndyq. Bizge memleket, Elbasy aýqymdy kómek pen qoldaý kórsetti. Bizge syiǵa berilgen páter men erekshe nazar aýdarǵandary úshin alǵysym sheksiz. Jubaiymnyń ózi ómirden ótse de, ol bizge memlekettiń atynan áli de kómek berip jatyr», — dedi Anar Asanova.
Baýyrjan Baibek kópbalaly ana Ainur Arǵynbekovamen de kezdesti. Kúieýi qaitys bolǵan soń 10 balasymen qalǵan kelinshek nebir qiyn kúnderdi bastan ótkergenin aitty. Qarajattyń tapshylyǵynan ólmestiń kúnin keship, úi-kúisiz júrgende memleket kómek qolyn sozǵan. Metsenattardyń qoldaýymen jalǵyzbasy ana Almatydan úsh bólmeli páter aldy. «4 jyl buryn Elbasy atynan Baýyrjan Qydyrǵaliulynyń qolynan páter kiltin aldyq. Búgin ol bizdi taǵy da kezdesýge shaqyryp, hal-jaǵdaiymyzdy surap jatyr. Osyndai qamqorlyǵy úshin raqmet aitamyn. Eger memleket bolmasa, ne isterimdi tipti, bilmes edim»,- dedi Ainýr Argynbekova.
Óz kezeginde «Nur Otan» Tóraǵasynyń birinshi orynbasary Baýyrjan Baibek azamattardy qabyldaý barysynda búginde Elbasy, partiia Lideri Nursultan Nazarbaev pen Memleket basshysy Qasym-Jomart Toqaevtyń tapsyrmasy boiynsha áleýmettik osal toptarǵa, kópbalaly otbasylarǵa da erekshe kóńil bólinetinin atap ótti. «Baqytty otbasy» baǵdarlamasy qarqyndy iske asyrylýda.
Bul máseleden «Nur Otan» partiiasynyń músheleri de shette qalmaidy. Jyl basynan beri partiianyń qoǵamdyq qabyldaýlary 14 myńnan astam qabyldaý ótkizip, 74 myń qazaqstandyqtyń muń-muqtajyn tyńdady. Ótinishterdiń 96%-y oń sheshimin taýyp, konsýltativtik, quqyqtyq jáne ózge de kómek kórsetildi. Qalǵan 4% oryndalý ústinde. Jalpy, sońǵy 2 jylda partiia músheleri jarty millionnan astam ótinish qabyldady. Olardyń 74% internet arqyly joldanǵan», — delingen siýjette.
