Astanada Almatynyń burynǵy ákimi Baýyrjan Baibekke tiesili quny shamamen 90 million teńge bolatyn qymbat saǵattar urlandy. Kúdikti túpnusqalardy aldyn ala satyp alǵan kóshirmelermen aýystyryp ketken, dep habarlaidy ult.kz.
Stan.kz málimetinshe, urlyq Baibek otbasy shetelge ketken kezde jasalǵan. 31 jastaǵy Nurbolat esimdi er adam burynǵy sheneýniktiń kómekshisiniń kómekshisi bolǵan. Ol úidiń ishindegi zattardyń ornalasýyn bilgen.
Tergeý nusqasyna sáikes, kúdikti qyzmettik kólikten aldyn ala alǵan qosalqy kilt arqyly úige kirgen. Alaida qymbat saǵattardy birden alyp ketpei, olardyń ornyna kóshirmelerin qaldyrǵan.
Ol Breguet, Blancpain, Hublot, Jaeger-LeCoultre jáne A. Lange & Söhne markalarynyń kóshirmelerin aldyn ala satyp alyp, úidegi túpnusqa saǵattardy solarmen almastyrǵan.
Úi ieleri shetelden oralǵannan keiin saǵattardyń túpnusqa emes ekenin baiqap, politsiiaǵa habar bergen.
Kúdikti ustalyp, qylmysyn moiyndaǵan. Sonymen qatar urlanǵan saǵattardy satyp alǵan adamnyń aty-jónin quqyq qorǵaý organdaryna aitqan.
Qazir atalǵan fakti boiynsha sotqa deiingi tergeý júrip jatyr. Kúdikti ýaqytsha ustaý izoliatoryna qamalǵan.
Bul týraly Astana qalasynyń politsiia departamenti habarlady.
