استانادا الماتىنىڭ بۇرىنعى ەكٸمٸ باۋىرجان بايبەككە تيەسٸلٸ قۇنى شامامەن 90 ميلليون تەڭگە بولاتىن قىمبات ساعاتتار ۇرلاندى. كٷدٸكتٸ تٷپنۇسقالاردى الدىن الا ساتىپ العان كٶشٸرمەلەرمەن اۋىستىرىپ كەتكەن, دەپ حابارلايدى ult.kz.
Stan.kz مەلٸمەتٸنشە, ۇرلىق بايبەك وتباسى شەتەلگە كەتكەن كەزدە جاسالعان. 31 جاستاعى نۇربولات ەسٸمدٸ ەر ادام بۇرىنعى شەنەۋنٸكتٸڭ كٶمەكشٸسٸنٸڭ كٶمەكشٸسٸ بولعان. ول ٷيدٸڭ ٸشٸندەگٸ زاتتاردىڭ ورنالاسۋىن بٸلگەن.
تەرگەۋ نۇسقاسىنا سەيكەس, كٷدٸكتٸ قىزمەتتٸك كٶلٸكتەن الدىن الا العان قوسالقى كٸلت ارقىلى ٷيگە كٸرگەن. الايدا قىمبات ساعاتتاردى بٸردەن الىپ كەتپەي, ولاردىڭ ورنىنا كٶشٸرمەلەرٸن قالدىرعان.
ول Breguet, Blancpain, Hublot, Jaeger-LeCoultre جەنە A. Lange & Söhne ماركالارىنىڭ كٶشٸرمەلەرٸن الدىن الا ساتىپ الىپ, ٷيدەگٸ تٷپنۇسقا ساعاتتاردى سولارمەن الماستىرعان.
ٷي يەلەرٸ شەتەلدەن ورالعاننان كەيٸن ساعاتتاردىڭ تٷپنۇسقا ەمەس ەكەنٸن بايقاپ, پوليتسيياعا حابار بەرگەن.
كٷدٸكتٸ ۇستالىپ, قىلمىسىن مويىنداعان. سونىمەن قاتار ۇرلانعان ساعاتتاردى ساتىپ العان ادامنىڭ اتى-جٶنٸن قۇقىق قورعاۋ ورگاندارىنا ايتقان.
قازٸر اتالعان فاكتٸ بويىنشا سوتقا دەيٸنگٸ تەرگەۋ جٷرٸپ جاتىر. كٷدٸكتٸ ۋاقىتشا ۇستاۋ يزولياتورىنا قامالعان.
بۇل تۋرالى استانا قالاسىنىڭ پوليتسييا دەپارتامەنتٸ حابارلادى.
