Batys Qazaqstan oblysyna taǵy 14 myń doza vaktsina (birinshi komponent) jetkizildi, dep habarlaidy "Ult aqparat".
BQO densaýlyq saqtaý basqarmasy basshysynyń mindetin atqarýshy Arman Qalibekovtiń óńirlik kommýnikatsiialar qyzmeti alańynda, buǵan deiin óńirge 20300 doza vaktsina ákelinse, sonyń 10150-i – birinshi, 10150-i ekinshi komponent edi.
Búginge deiin 10095 adam (99,4 paiyz) birinshi komponentpen egilip úlgerdi.
Qazirgi kezde vaktsinatsiia kestege sáikes júrgizilýde.
Oblysta osy ýaqytqa deiin 16010 adam indet juqtyrsa, sonyń 80,4 paiyzy (12876) jazylyp shyqty. 252 adam kóz jumdy.
Jyl basynan beri 84 adam ómirden ozsa, sonyń 28-i –qańtarda, 15-i – aqpanda, 30-y – naýryzda, 11-i sáýirde qaitty. Sonyń ishinde 45-i – áielder, 39-y – er adamdar.
Marqumdardyń 95 paiyzynda sozylmaly syrqaty bolǵan.
«Kúni búgin 195 tósektik 4 karantindik statsionarda 21 naýqas emdelýde. Al 730 tósektik 10 infektsiialyq statsionarda jatqandar sany 520-ǵa jetti. Sonyń ishinde 30-y jansaqtaý bóliminde jatyr», dedi Qalibekov.
