© AFP 2022 / JEFF PACHOUD
Batys Qazaqstan oblysynda ústine týmba men teledidar qulap keten eki jasar qyz esin jidy. Bul týraly oblystyq densaýlyq saqtaý basqarmasynyń baspasóz qyzmeti habarlady, dep jazady Sputnik Qazaqstan.
Oqiǵa Báiterek aýdanyndaǵy Peremetnoe aýylyndaǵy aýrýhanada bolǵan.
Qyzdy pediatr men hirýrg qarap, aýyrsynýdy basatyn dári egip, sanitarlyq aviatsiia shaqyrǵan. Jábirlenýshi pediatr men meiirgerdiń baqylaýymen aýrýhanaǵa jetkizildi. Onyń jaǵdaiy turaqty aýyr dep baǵalandy.
Balaǵa jabyq bassúiek-mi jaraqatyn alǵan, miy soǵylǵan, torly qabyq astyna qan quiylǵan degen diagnoz qoiyldy.
Ol jansaqtaý bóliminen palataǵa aýystyryldy, dep jazdy "Moi gorod". Qyz aýrýhanada anasymen birge jatyr.
