Batys Qazaqstan oblysynda Pfizer kompaniiasynyń Comirnaty vaktsinasyn egý bastaldy, dep habarlaidy QazAqparat.
BQO densaýlyq saqtaý basqarmasy basshysynyń orynbasary Ashat Balyqovtyń málim etkenindei, Oral qalasyndaǵy emhanalarda jasóspirimder, júkti jáne bala emizetin áielderdi egý júrgizilip jatyr.
Qaladaǵy №6 emhanada alǵashqy bolyp «Maqsat» meditsinalyq kolledjiniń 24 stýdenti, sondai-aq tilek bildirgen 6 júkti jáne 6 bala emizetin áiel keldi.
«Búgin Pfizer vaktsinasyn alatyndar úshin birneshe kabinet uiymdastyryldy. Egilýge kelgen adamdardy áýeli dáriger qaraidy. Sodan keiin vaktsina alatyn kabinetke barady. Egilgennen keiin jarty saǵat boiy dárigerdiń baqylaýynda bolady. Vaktsinatsiia mindetti túrde jasóspirimderdiń ata-analarynyń nemese zańdy ókilderiniń kelisimine sáikes júrgiziledi. «Maqsat» meditsina kolledjinde oqityndar – bizdiń bolashaq áriptesterimiz. Sondyqtan olar ekpe alýdyń mańyzdy ekenin jaqsy túsinedi. Bul vaktsinanyń basqalardan ereksheligi, onyń quramynda virýs joq, óte qaýipsiz. Kóptegen elderde ony 3-5 jasar balalarǵa egýde. Bizdiń elimizde 12 jastan joǵary jetkinshekterge egý josparlanǵan. Oblysta aldymen 16-17 jasar jasóspirimder egilýde», - dedi QazAqparat tilshisine Balyqov.
