Batys Qazaqstan oblysynda koronavirýs indetine qarsy kúres jalǵasýda, dep habarlaidy "Ult aqparat".
BQO taýarlar men kórsetiletin qyzmetter sapasy men qaýipsizdigin baqylaý departamenti málim etkenindei, kúni búgin 25 adam provizorlyq, 48 adam karantindik statsionarda jatyr.
Sondai-aq úilerinde oqshaýlanǵan 939 adam dárigerlerdiń baqylaýynda.
Atalǵan departament basshysynyń orynbasary Nurlybek Mustaevtyń aitýynsha, oblysta koronavirýspen aýyrǵandar sany 72-ge jetse, sonyń 61-i – shetten, negizinen Reseiden kelgender. 11-i – buryn osy dertke shaldyqqandarmen qarym-qatynasta bolǵandar.
Búgin tańda tirkelgen eki azamat – Reseide vahtalyq ádispen jumys jasaityn BQO-nyń 40 jáne 43 jastaǵy turǵyndary.
Samaramen shektesetin «Syrym» avtoótkelinen ótken kezde densaýlyqtaryna shaǵymy bolmaǵanymen, karantindik statsionarǵa jatqyzylyp, synama alynǵannan keiin koronavirýs juqtyrǵany belgili boldy.
«Syrqattandardyń barlyǵy ýaqtyly oblystyq juqpaly aýrýlar aýrýhanasyna jatqyzylyp, sonyń ishinde ekeýi jazylyp shyqty. Qalǵan naýqastardyń jaǵdaiy qanaǵattanarlyq», dedi N.Mustaev.
Eske sala keteiik, budan buryn BQO-da sońǵy anyqtalǵan tórt naýqastyń úsheýi Reseiden kelgenin jazǵan bolatynbyz.
