Batys Qazaqstan oblysynda koronavirýstan qaitqan bir adam tirkeldi, dep habarlaidy "Ult aqparat".
Indetten 1952 jylǵy áiel kóz jumdy.
Koronavirýsty juqtyrǵan naýqastardyń ólim jaǵdaiyn zertteý jónindegi komissiia bul derek sebebin koronavirýs juqpasynan oryn aldy dep tirkeýge sheshim qabyldaǵan.
BQO densaýlyq saqtaý basqarmasynan túsken málimetke qaraǵanda, «Aqjaiyq» provizorlyq statsionarynda jatqan Oral qalasynyń turǵyny 27 mamyr kúni aýyr jaǵdaida oblystyq juqpaly aýrýlar aýrýhanasyna jetkizilgen. Emdelýshi ekijaqty pnevmoniiamen aýyrǵan. Sondai-aq orta dárejedegi qant diabeti diagnozy qoiylǵan. Reanimatolog qarap, tiisti em alǵan. 30 mamyr kúni naýqastyń jaǵdaiy nasharlap, jasandy tynys alý apparatyna qosylǵan. Dárigerlerdiń barlyq sharalardy qabyldaǵanyna qaramastan, emdelýshiniń 3 maýsym kúni júregi toqtady.
Osylaisha, Qazaqstanda koronavirýstan qaitqandar sany 53-ke jetse, Batys Qazaqstan oblysy boiynsha ekinshi adam dúnieden ótti.
