Batys Qazaqstan oblysynda karantindik sharalar qaita kúsheitildi, dep habarlaidy "Ult aqparat".
BQO bas memlekettik sanitar dárigeri Muhamǵali Aryspaevtyń jańa qaýlysy 9 sáýirden bastap kúshine enedi.
Qaýlyǵa sáikes eldi mekender aýmaǵynda halyqtyń qozǵalysy saǵat 00.00-den bastap 06.00-ge deiin shekteledi.
Oblys turǵyndary jeke kólikterimen shuǵyl jaǵdai boiynsha meditsinalyq mekemege, dárihanaǵa barýy kerek bolsa, sondai-aq túngi aýysymda jumys isteitin adamdar «109» telefony boiynsha ótinim qaldyrýy nemese http/www.STOPCOVID.KZ. saityna tirkelýi tiis qajet.
Kontingenti 300 oqýshyǵa deiin aýyl mektepterinde bala sanyn 15-ten asyrmai oqytýǵa ruqsat beriledi.
Bilim berý ákimshiliginiń sheshimi boiynsha sabaqtan tys ýaqytta 15 adamnan aspaityn toptarda jeke oqytýǵa bolady.
Jalpy bilim beretin mektepterde mektepaldy jáne 1-5 synyptar, halyqaralyq mektepterde 1-7 synyptarda bala sanyn 15-ten asyrmai, aralas oqytýǵa bolady. Oqý bitiretin synyptar aptanyń alty kúni ishinde pánderdiń 70 paiyzyn shtattyq rejimde, 30 paiyzyn qashyqtan oqidy. Munda da bala sany 15-ten aspaýy tiis.
Tehnikalyq jáne kásiptik, orta bilimnen keiingi bilim berý uiymdarynda, joǵary jáne JOO-dan keiingi bilim berý uiymdarynda 1 kýrs stýdentteri sanitarlyq-epidemiologiialyq talaptardy saqtai otyryp, praktikalyq jáne zerthanalyq sabaqtardy ǵana oqyp, qashyqtan bilim alýǵa kóshiriledi.
Saýda úileri men ortalyqtary jumys kúnderi saǵat 10.00-den 21.00-ge deiin, senbide 10.00-den 17.00-ge deiin ashyq bolady. Jeksenbi kúnderi jumys jasamaidy.
Saǵat 09.00-den 18.00-ge deiin azyq-túliktik emes taýarlar satatyn dúkender de jeksenbi kúni qyzmetin toqtatady.
Azyq-túlik dúkenderi (sonyń ishinde minimarket, alkomarket, syra satatyn oryndar) saǵat 08.00-den 23.00-ge deiin kókónis pen jemis-jidekti qospaǵanda, azyq-túlik ónimderin tek ólshep oralǵan kúiinde satady.
