Batys Qazaqstan oblysynda karantindik shekteý sharalary kúsheitildi, dep habarlaidy "Ult aqparat".
Óńirdegi epidemiologiialyq ahýaldy eskere otyryp, BQO bas memlekettik sanitar dárigeri Muhamǵali Aryspaevtyń 18 naýryzdaǵy qaýlysy shyqty.
Jańa qaýlyǵa sáikes barlyq oiyn-saýyq nysandarynyń, sonyń ishinde kinoteatr, teatrlardyń qyzmetine tyiym salynady.
Memlekettik organdar men kvazimemlekettik sektor uiymdary qyzmetkerleriniń keminde 80, jeke kásipkerliktegilerdiń 50 paiyzy qashyqtan jumys jasaýǵa kóshedi.
Mektepke deiingi balalar uiymdaryndaǵy kezekshi toptardaǵy baldyrǵandar sany 15-ten aspaýy tiis.
Kontingenti 300 oqýshyǵa deiin qalalyq jáne aýyldyq mektepterde ár synypta 15 balaǵa deiin dástúrli túrde oqytylady. Ata-analardyń ótinishi boiynsha jalpy bilim beretin mektepterde 1-5 synyptarda, halyqaralyq mektepterde 7 synypqa deiin 15 baladan kezekshi synyptarda bilim alady. Al oqý bitiretin synyptarda (9, 11, 12 synyptar) aptanyń alty kúni ishinde pánderdiń 70 paiyzy shtattyq rejimde, 30 paiyzy qashyqtan oqytylady. Sondai-aq mektep ákimshiliginiń sheshimi boiynsha sabaqtan tys ýaqytta 15 baladan aspaityn toptarda jeke oqytýǵa ruqsat beriledi.
Tehnikalyq jáne kásiptik, orta bilimnen keiingi bilim berý uiymdarynda, joǵary jáne joǵary oqý ornynan keiingi bilim berý uiymdarynda 1 kýrs stýdentteri 2020-2021 oqý jylynyń II semestrinen bastap sanitarlyq-epidemiologiialyq talaptardy saqtai otyryp, aralas oqytýǵa kóshiriledi.
Azyq-túlik jáne azyq-túliktik emes ashyq bazarlar jeksenbi kúni jumys jasamaidy. Al azyq-túlik jáne azyq-túliktik emes jabyq bazarlar, sondai-aq saýda úileri men ortalyqtary senbi jáne jeksenbi kúnderi qyzmetterin toqtatady.
