Batys Qazaqstan oblysynda 696 tósektik 9 infektsiialyq statsionarda 463 adam jatyr, dep habarlaidy "Ult aqparat".
BQO densaýlyq saqtaý basqarmasynyń baspasóz qyzmeti málim etkenindei, qazirgi kezde juqpaly aýrýlar aýrýhanalary 66,5 paiyzǵa tolǵan.
Sonyń ishinde 25 adam jansaqtaý bólimshesinde em alýda.
Sondai-aq 195 tósektik 4 karantindik statsionarda 14 adam jatyr.
Oblysta bir aptada 700 adamnyń koronavirýs juqtyrǵany tirkeldi.
Kúni búgin invazivti jasandy tynys alý apparatyna 2, invazivti emes apparatqa 10, ottegi kontsentratoryna 13, ortalyqtandyrylǵan ottegi kózine 118 adam qosylǵan.
Oblysta qyrkúiek aiynan beri 670 bala koronavirýs juqtyrsa, sonyń 465-i biyl anyqtalǵan.
Óńirde indettiń órshi túsip, epidemiialyq ahýaldyń kúrdelenip bara jatqany oblys ákimi Ǵali Esqalievtiń tóraǵalyq etýimen ótken jedel shtab otyrysynda da aityldy. Osyǵan orai óńir basshysy karantin talaptaryn kúsheitý qajettigin jetkizdi.
