Batys Qazaqstan oblysynda eki kúnde 50 tonnaǵa jýyq pishen órtenip ketti, dep habarlaidy "Ult aqparat".
BQO TJ departamentiniń baspasóz qyzmeti málim etkenindei, 23 tamyz kúni saǵat 16.29-da Syrym aýdany Qońyr aýylynda A.Qunanbaev kóshesi 4-mekenjaiynda 120 sharshy metr qora-qopsy otqa orandy.
Oǵan qosa 10 tonna pishen janyp ketti. «Tilsiz jaý» saǵat 22.00-de aýyzdyqtaldy.
Sondai-aq keshe saǵat 17.58-de Báiterek aýdany Peremetnyi aýylynda Prirechnaia kóshesi 47-mekenjaiynda 7 tonna pishen jandy. Órt 22.01-de sóndirildi.
Búgin saǵat 05.17-de Terekti aýdany Fedorov aýyly Iýbileinaia kóshesi 8-mekenjaiynda qora-qopsy órtenip, úiýli turǵan 30 tonna shóp kúlge ainaldy. Órt 07.05-te joiyldy.
Qazirgi kezde órttiń shyǵý sebebi, keltirilgen shyǵyn, kináli adamdar anyqtalý ústinde.
