Batys Qazaqstan oblysynda boranǵa bailanysty júk kólikteri jolda qaldy, dep habarlaidy "Ult aqparat".
BQO TJ departamentiniń baspasóz qyzmeti málim etkendei, oqiǵa 8 naýryz kúni oblys joldarynda boldy.
Saǵat 17.30-da Syrym aýdany aýmaǵynda Samara-Shymkent jolynda Aqtóbe baǵytynda ketip bara jatqan júk kóliginiń synyp qalǵany jóninde habar tústi. Oqiǵa ornyna №14 órt sóndirý beketiniń qyzmetkerleri jedel jetti.
Keiin anyqtalǵanyndai, Samara-Shymkent jolynyń 490-shaqyrymynda 3 júk kóligi jol jiegine túsip ketken. Júrgizýshiler evakýatsiialaýdan bas tartty.
Búgin saǵat 11.15-tegi málimet boiynsha Samara-Shymkent jolynyń 490-522 shaqyrymy aralyǵynda jol jiegine túsip ketken 5 júk kóligi qalyp otyr.
Onyń bireýi tehnikalyq aqaýyna bailanysty tur. Qazirgi ýaqytta júrgizýshilerge kómek kórsetilýde.
Keshe saǵat 22.00-de boranǵa bailanysty jabylǵan Oral-Tasqala-RF shekarasy jolynyń 80-shaqyrymynda Tasqala aýdany Birlik aýyly tusynda 12 júk kóligi jáne júk tiegen 3 «GAZel» kóliginiń turyp qalǵany belgili boldy. Qutqarýshylardyń baqylaýymen kólikter jolǵa shyqty.
Saǵat 23.49-da Oral qalasy aýmaǵynda Derkól-Beles aýyldyq jolynda Kardon eldi mekeni tusynda qutqarýshylardyń kúshimen (2 adam, 1 tehnika) 3 jeńil kólik tazartylǵan jerge shyǵaryldy. 13 adam qutqaryldy, sonyń úsheýi – balalar.
BQO TJ departamenti qysqy kezeńde jolda qaýipsizdik talaptaryn qatań saqtaý kerektigin eske salady.
Joldyń jaǵdaiyn «Dármen» mobildi qosymshasy arqyly bilýge bolady. Qutqarýshylar kómegi qajet bolǵan jaǵdaida 112 telefonyna habarlasý kerek.
