Batys Qazaqstan oblysynda birneshe avtokólik soqtyǵysyp, júrgizýshi jaraqat aldy, dep habarlaidy "Ult aqparat".
BQO politsiia departamentiniń baspasóz qyzmeti málim etkenindei, oqiǵa 19 naýryz kúni shamamen saǵat 12.07-de Bórli-Aqsai jolynda boldy.
«Nissan» avtokóliginiń 32 jastaǵy júrgizýshisi basyp ozamyn dep, «KamAZ» avtokóligimen soqtyǵysýǵa jol bergen. Sodan keiin «Aýdi» jáne «Toiota» avtokólikterimen túiisken.
Jol-kólik oqiǵasy saldarynan «Nissan» júrgizýshisi túrli jaraqat aldy.
Oqiǵa ornynda politsiia qyzmetkerleri jumys istedi.
Oblystyq densaýlyq saqtaý basqarmasy baspasóz qyzmetiniń naqtylaýynsha, miy shaiqalǵan júrgizýshi Bórli aýdandyq ortalyq aýrýhanasyna jatqyzyldy. Oǵan qosa iyq súiegi synǵan, qos tizesinen jaraqat alǵan. Er adamdy odan ári emdeý úshin oblystyq kópbeiindi aýrýhanaǵa aýystyrady.
