Batys Qazaqstan oblysynda 7 myń adam koronavirýsqa qarsy ekpe saldyrdy. Bul týraly oblystyq densaýlyq saqtaý basqarmasy basshysynyń mindetin atqarýshy Arman Qalibekov málim etti, dep habarlaidy "Ult aqparat"
Onyń aitýynsha, vaktsina alǵandardyń kópshiligi – meditsina qyzmetkerleri. Sondai-aq pedagogtar, quqyq qorǵaý jáne basqa sala ókilderi bar.
Arman Talǵatuly kovidpen aýyrǵanyna alty ai ýaqyt ótkennen keiin búgin óziniń de «Spýtnik V» vaktsinasynyń birinshi komponentin qabyldaǵanyn jetkizdi.
Qazirgi kezde Oral qalasy men aýdan ortalyqtarynda otyz shaqty egý kabinetterinde turǵyndardy keste boiynsha vaktsinatsiialaý júrgizilýde.
Sáýir aiynyń aiaǵyna deiin oblysqa taǵy da 49700 doza vaktsina ákelinbekshi. Sol ýaqytta turǵyndardyń edáýir bóligin qamtýǵa múmkindik týady.
«Osyǵan orai aitarym, koronavirýsqa tosqaýyl qoiý úshin oblys turǵyndarynyń keminde 50 paiyzy ekpe qabyldaýy kerek. Sondyqtan adamdardy aldymen ózderiniń densaýlyǵyn saqtaý úshin vaktsina alýǵa shaqyramyn», dedi Qalibekov.
