Batys Qazaqstan oblysynda 67 myń adam tumaýǵa qarsy egilmekshi, dep habarlaidy "Ult aqparat".
BQO taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Muhamǵali Aryspaevtyń málim etkenindei, osy maqsatqa jergilikti biýdjetten bólingen 58 mln astam teńgege Reseide óndirilgen «Grippol +» vaktsinasy satyp alyndy.
M.Aryspaevtyń sózine qaraǵanda, biyl oblysta tumaýǵa qarsy josparly ekpe qyrkúiektiń ortasynan bastalady. Bul azamattardyń jedel respiratorlyq aýrýlar kezinde tumaýǵa qarsy turaqty immýnitetin qalyptastyrý úshin jasalady.
Tumaýǵa qarsy ekpeni aqysyz negizde meditsina qyzmetkerleri, alty aidan asqan jii aýyratyn balalar, jetim jáne ata-ana qamqorlyǵynsyz qalǵan balalar, balalar úilerinde tárbielenýshiler, ekinshi jáne úshinshi trimestrdegi júkti áielder, epidemiologiialyq kórsetkishteri boiynsha jáne júrek-qan tamyry, tynys alý júiesiniń sozylmaly dertine shaldyqqan adamdar, qarttar úileriniń turǵyndary alady.
«Sonymen qatar tumaýdyń aldyn alý úshin ekpeden basqa saqtyq sharalaryn umytpaý kerek. Atap aitqanda, halyq kóp jinalatyn jerlerge barýdy shekteý, bir rettik maskalardy jabyq bólmelerde jáne adamdar kóp jinalatyn jerlerde qoldaný, túshkirý nemese jótel siiaqty aýrý belgileri bar adamdarmen bailanysty shekteý, qoldy sabynmen jii jáne muqiiat jýý, muryn qýysyn tuzdy eritindimen jýý, bólmeni jii jeldetý jáne tazalaý, ylǵaldandyrý, S dárýmeni bar taǵamdardy múmkindiginshe kóp qoldaný (múkjidek, shyrǵanaq, qaraqat, limon jáne t.b.), dárigerdiń usynysy boiynsha immýnitetti arttyratyn dáriler men preparattardy qoldaný, salaýatty ómir saltyn ustaný, durys tamaqtaný jáne únemi jattyǵýlar jasaý qajet», dedi departament basshysy.
Jiti respiratorlyq virýsty juqpalar jáne tumaýdyń epidemiologiialyq maýsymy biylǵy 1 qazannan aldaǵy jyldyń mamyr aiyna deiin sozylady.
2019-2020 jylǵy maýsymda óńirde 24 222 adamnyń JRVJ-men aýyrǵany tirkeldi. Sondai-aq 204 adam tumaýǵa shaldyqty.
Jyl saiyn oblysta turǵyndardyń 10 paiyzynan astamyna tumaýǵa qarsy ekpe jasalady. Ótken maýsymda 70 105 adam (10,6 paiyz), sonyń ishinde 64 790-y jergilikti biýdjetten bólingen qarajatqa egildi.
