Batys Qazaqstan oblysynda 4371 adam koronavirýsqa qarsy ekpe aldy, dep habarlaidy "Ult aqparat".
BQO densaýlyq saqtaý basqarmasy basshysynyń orynbasary Gúlnár Ábdirahmanovanyń óńirlik kommýnikatsiialar alańynda málim etkenindei, sonyń 786-sy – pedagogtar, 199-y – quqyq qorǵaý organdarynyń ókilderi.
Gúlnár Maqsotqyzynyń sózine qaraǵanda, oblysta 1 aqpannan beri alǵashqy (1000 doza) jáne ekinshi (3250 doza) partiiadan Gam-KOVID-Vak vaktsinasynyń I komponentimen egý aiaqtaldy.
Oǵan qosa 19 naýryz kúni óńirge 1 myń doza (I komponent) mólsherinde Gam-KOVID-Vak (Sputnik V) vaktsinasy jetkizildi. Ekpe keste boiynsha júrgizilýde.
Qazirgi kezde qaýlyǵa sáikes birinshi kezekte bastapqy kezeńge ilikpei qalǵan, koronavirýsty juqtyrý qaýpi joǵary meditsina qyzmetkerleri, sondai-aq muǵalimder men quqyq qorǵaý organdarynyń ókilderi egilýde.
Oblysta osy kezge deiin aýyrǵan 14597 adamnyń 11944-i nemese 82 paiyzy jazylyp shyqty. 230 adam kóz jumdy.
Basqarma basshysynyń orynbasary juqpaly aýrýlar statsionarlaryna naýqastardyń aýyr jáne asa aýyr halde túsip jatqandyǵyn jetkizdi.
Óńirdegi 195 tósektik 4 karantindik statsionarda 20 adam emdelýde.
Al 596 tósektik 8 infektsiialyq statsionarda jatqandar sany 308-ge jetti. Sonyń ishinde 16-sy jansaqtaý bóliminde.
Bunyń bireýi – 50-ge deiin, úsheýi – 50-60, 9-y – 60-80 jas aralyǵyndaǵylar, taǵy úsheýi – seksennen asqandar.
14-iniń sozylmaly syrqaty bar, sonyń 10-y júrek-qan tamyrlary aýrýlaryna, tórteýi qant diabetine shaldyqqan.
«Kúni búgin invazivti jasandy tynys alý apparatyna 3, invazivti emes osyndai qurylǵyǵa 7, ottegi kontsentratoryna 12, ortalyqtandyrylǵan ottegi kózine 68 naýqas qosylǵan. Turǵyndarǵa JRVI belgileri baiqalǵan boida meditsinalyq kómekke dereý júginý, sondai-aq sanitarlyq talaptardy saqtaý kerektigin eske salamyz», dedi G.Ábdirahmanova.
