Batys Qazaqstan oblysynda jyl basynan beri 434 baladan koronavirýs tabyldy, dep habarlaidy "Ult aqparat".
Oblystyq densaýlyq saqtaý basqarmasynyń baspasóz qyzmeti málim etkenindei, kúni búgin sonyń 364-i jazylyp shyqty.
Sondai-aq biyl bilim berý mekemeleriniń 208 qyzmetkeri virýs juqtyrsa, sonyń 155-i emdelip shyqty.
Osy kezge deiin oblysta barlyǵy 15048 adam aýyrsa, sonyń 12241-i jazyldy. 240 adam kóz jumdy.
Ótken táýlikte 96 adamnyń syrqattanǵany belgili boldy. Aldyńǵy aptamen salystyrǵanda, juqtyrý deńgeii 6 paiyzǵa ósip otyr.
Jyl basynan beri 5827 adam tirkelse, sonyń 3567-si nemese 61,2 paiyzy Oral qalasynyń úlesine tiedi. Sondai-aq Báiterek aýdanynda 685 (11,7 paiyz), Bórlide 568 (9,7 paiyz) adam aýrý juqtyrǵan.
Qazirgi tańda 8 infektsiialyq statsionarda 363 adam, sonyń ishinde 17 adam jansaqtaý bóliminde jatyr.
«Oblysta koronavirýsqa qarsy vaktsina salý jumystary jalǵasýda. Kúni búginge deiin túsken partiiadan (5250 doza – birinshi, 4250 doza – ekinshi komponent) 5174 adam vaktsinanyń birinshi komponentimen egilip úlgerse, sonyń 1092-si – ustazdar, 244-i – quqyq qorǵaý organdarynyń ókilderi. Sondai-aq 1025 adam ekinshi komponentin aldy», dep habarlady BQO densaýlyq saqtaý basqarmasy.
