Batys Qazaqstan oblysynda 2162 arheologiialyq eskertkish qorǵaýǵa alynǵan, dep habarlaidy "Ult aqparat".
BQO tarihi-mádeni muralaryn qorǵaý jónindegi memlekettik inspektsiianyń inspektory Ahmediiar Batyrhanovtyń aitýynsha, sonyń ishinde 31-i – respýblikalyq mańyzy bar eskertkish.
Sondai-aq 166-sy jergilikti mańyzy bar tarih, arhitektýra jáne monýmentaldy eskertkish bolsa, 1965-i – jergilikti mańyzy bar arheologiialyq mura.
Óńirde tarihi-mádeni muralardy anyqtaý, zertteý, eskertkishterdi arheologiialyq zerdeleý jáne ǵylymi jumystar júrgizý, esepke alý, olardyń tehnikalyq jaǵdaiyn qaraý, fotofiksatsiiadan ótkizý, saqtaý, nasihattaý, baǵdarlamalar ázirleý, arheologiialyq eskertkishterdi qujattandyrý jáne olarǵa qorǵaý belgilerin ornatý jumystary udaiy júrgizilip keledi.
Kúni búgin qola dáýiri, erte temir dáýiri, orta ǵasyr kezinen syr shertetin tarihi-mádeni muralardy zertteý maqsatynda memlekettik inspektsiianyń bólim basshysy Abzal Baibekov bas inspektor Erulan Orynbasarov, júrgizýshi Málik Janǵalimen birge Shyńǵyrlaý aýdanynda tarihi nysandarǵa qorǵaý belgilerin ornatý, GRS-koordinattaryn anyqtap jáne naqtylaý isin atqarýda. Aýdan boiynsha 192 arheologiialyq eskertkish anyqtalyp, sonyń 132-si monitoringten ótti. Qalǵan 60 eskertkishke monitoring júrgizilýde.
«Tarihi-mádeni eskertkishterdi kózdiń qarashyǵyndai qorǵaý – bizdiń basty mindetimiz. Bul baǵyttaǵy jumystar aldaǵy ýaqytta da jalǵasyn tabady», dedi A.Batyrhanov.
