Batys Qazaqstan oblysynda 10 tonnadai júk tielgen avtokólik órtenip ketti, dep habarlaidy "Ult aqparat".
BQO TJ departamentiniń baspasóz qyzmeti málim etkenindei, oqiǵa 13 sáýir kúni Aqjaiyq aýdany Ilbishin aýyly mańynda boldy.
Saǵat 12.50-de Oral-Atyraý jolynyń 175-shaqyrymynda Mercedes Benz júk kóliginiń janyp jatqany jóninde habar tústi. Shamamen 10 tonnadai qurylys materialdary (tusqaǵazdar) tielgen kólik Ýkrainadan Tájikstanǵa bet alǵan. Kólik Ózbekstannyń «Sergorus» qoǵamdyq birlestik uiymyna tiesili. Júktiń iesi anyqtalyp jatyr.
№10 órt sóndirý bólimshesi qyzmetkerleriniń kúshimen (4 adam, 1 tehnika) saǵat 15.04-te órt oqshaýlanyp, 15.52-de tolyq sóndirildi.
