Batys Qazaqstan oblysynda karantin shekteý sharalary kúsheitildi, dep habarlaidy "Ult aqparat".
BQO bas memlekettik sanitar dárigeri Muhamǵali Aryspaev málim etkendei, óńirde epidemiologiialyq jaǵdaidyń turaqsyz bolýyna bailanysty 11 mamyr kúngi qaýlyǵa ózgerister engizildi.
Atap aitqanda, adamdarǵa turǵylyqty jeri boiynsha otbasylyq sharalardy ótkizýge tyiym salyndy.
Ekinshiden, osy qaýlydaǵy qosymshada kórsetilgen ruqsat etilgen qyzmet túrleri tizimine engizilmegen barlyq uiymdar men kásiporyndar óz qyzmetin qashyqtan, onlain rejimde ǵana atqara alady.
Úshinshiden, budan bylai Oralda qoǵamdyq kólik tańǵy saǵat 06.00-den 12.00-ge deiin, keshkisin 17.00-21.00 aralyǵynda qatynaidy.
Tórtinshiden, azyq-túlik jáne azyq-túlik satpaityn bazarlar dúisenbi-beisenbide saǵat 09.00-13.00-de, juma-jeksenbide 10.00-16.00 aralyǵynda jumys isteidi.
Besinshiden, meiramhana, barlarda da sanitarlyq talaptar saqtalýy tiis, qoǵamdyq tamaqtaný oryndarynda kalian paidalanýǵa tyiym salynady.
«Qurmetti turǵyndar, sizderden halyq kóp jinalatyn jerlerge barmaýǵa, jiyndarǵa qatyspaýǵa, áleýmettik araqashyqtyqty saqtaýǵa, jabyq nysandarǵa kirgende betperde taǵýǵa shaqyramyz. Eger toptyq jiyndar kesirinen turǵyndar arasynda aýrý anyqtalsa, soǵan jol bergen adamnyń zańmen qarastyrylǵan jaýapkershilikke tartylatynyn eskertemiz», dedi M.Aryspaev.
