Óskemenniń burynǵy ákimi Qýat Týmabaev Nur Otan partiiasynan shyǵaryldy, dep jazady KAZ.NUR.KZ.
Bul týraly májilis depýtaty Artýr Platonov Facebook áleýmettik jelisindegi paraqshasynda habarlady.
Nur Otan partiiasynyń baqylaý komitetiniń tóraǵasy eske salǵandai, jýyrda buqaralyq aqparat quraldarynda Qýat Týmabaev Saýda jáne integratsiia ministrliginiń eksportty jyljytý departamenti direktory qyzmetine taǵaiyndalǵany týraly aqparat jariialanǵan.
Artýr Platonov bul jaǵdai túsiniksiz reaktsiia týdyrǵanyn jasyrmady.
Sebebi, Óskemen qalasynyń eks-ákimi 2018 jyly adam ólimimen aiaqtalǵan jol apatyna qatysty qyzmetinen ketýge májbúr boldy.
Onyń sózinshe, 2018 jyly Qýat Týmabaev Ridder ákimi orynbasary Baýyrjan Qurmanbaevtyń kóliginde bolǵan.
Jolda joǵary jyldamdyqpen júrgen Qurmanbaev 18 jastaǵy jigitti qaǵyp ketedi. Al osy mezette Qýat Týmabaev tez arada oqiǵa ornynan tasa bolady.
Sotta ákimniń orynbasaryn qandy oqiǵaǵa kináli dep taýyp, Týmabaev kýáger retinde qatysqan.
Tártiptik komissiianyń sheshimimen Týmabaevqa qyzmetke tolyq sáikes emestigi týraly eskertý jasalǵan, al "Nur Otan" partiiasynyń Shyǵys Qazaqstan oblystyq filialynyń tóraǵasy, oblys ákimi Danial Ahmetov "onyń mundai joǵary laýazymdy atqarýǵa moraldyq quqyǵy joq" ekenin atap ótti.
Osylaisha, 2018 jyldyń 13 tamyzynda Qýat Týmabaev Óskemen qalasynyń ákimi qyzmetinen bosatý týraly ótinish jazǵan. Májilis depýtaty osy oqiǵadan keiin Týmabaevtyń jańa qyzmetke ornalasýyn saiasi kodekske qarama-qaishy dep baǵalady.
"Týmabaevty saýda jáne integratsiia ministrliginiń eksportty jyljytý departamentiniń direktory laýazymyna taǵaiyndaý týraly sheshim Nur Otan partiiasy múshesiniń saiasi tuǵyrnamasynyń qundylyqtary men Ádep kodeksine qaishy keledi. Osyǵan bailanysty elordalyq partiialyq baqylaý komissiiasynyń usynysy boiynsha Qýat Týmabaev partiianyń bedelin túsirgeni úshin onyń qatarynan shyǵaryldy. Saýda jáne integratsiia ministrligi basshylyǵynyń atyna Qýat Týmabaevty osy vedomstvonyń eksportty jyljytý departamentiniń direktory qyzmetinen bosatý týraly usynyspen hat joldandy", - dedi Platonov.
