Indýstriia jáne infraqurylymdyq damý birinshi vitse-ministri Qaiyrbek Óskenbaev baspana kezegin retteý isinde ashyqtyq qalai qamtamasyz etiletinin aitty, dep habarlaidy QazAqparat.
«Búgingi tańda Turǵyn úi qurylys jinaq banki «Otbasy banki» bolyp qaita quryldy jáne onyń bazasynda «Turǵyn úimen qamtamasyz etý ortalyǵy» jasaqtaldy. Osy ortalyq, turǵyn úige muqtajdardyń esebin júrgizýdi, sondai-aq turǵyn úidi bólýdi turǵyn úidiń qoljetimdilik satysyna sáikes, tizimge engizilgen kúni boiynsha kezekte turǵandar arasynda bir ortalyqtan júzege asyratyn bolady», - dedi ministrdiń birinshi orynbasary.
Vitse-ministrdiń sózine qaraǵanda «Turǵyn úimen qamtamasyz etý ortalyǵy» jeke tulǵalardyń memlekettik derekqorlaryn bir ortaǵa toǵystyrý arqyly «barmaq basty, kóz qysty» áreketterdiń jolyn kesetin bolady.
«Bazaǵa qaita engizýge jol berilmeidi. Azamattar memlekettik baǵdarlamalarǵa bir ret qana qatysa alady», - dedi Qaiyrbek Óskenbaev.
