Basketboldan Qazaqstan quramasy 2021 jylǵy Aziia kýbogyna irikteý kezeńinde Palestinadan basym tústi, dep habarlaidy "Ult aqparat".
Esterińizge sala ketelik, qazaqstandyq basketbolshylar F tobynda synǵa túsýde. Qarsylastary - Iordaniia, Palestina jáne Shri-Lanka quramalary.
Búgin qazaqstandyqtar Palestinany 93:56 esebimen jeńdi.
Toptaǵy alǵashqy oiyndar 2020 jyldyń 21 aqpanynda bastaldy. Sol kúni Qazaqstan Palestinany 79:76 esebimen jeńdi. Odan keiin 24 aqpanda Iordaniiaǵa 68:71 esebimen jol berdi.
Budan keiin koronavirýs infektsiiasyna bailanysty oiyndar keiinge shegerildi. Ol biylǵy jyldyń 18 aqpanynda qaita jalǵasty. Qalǵan oiyndardyń barlyǵy Bahreinde ótkiziletin bolyp sheshildi. Sol kúni qazaqstandyq basketbolshylar Shri-Lankany 111:52 esebimen súrindirdi.
Qazaqstan quramasy tórt oiynnan keiin 7 upai jinap, kósh basynda tur. Odan keiingi orynda olardan eki oiynnan 4 upai jinaǵan Iordaniia keledi. Al 3 kezdesý ótkizgen Palestinanyń 4, Shri-Lankanyń 3 upaiy bar.
Qazaqstan kelesi oiynyn 21 aqpanda Iordaniiaǵa qarsy ótkizedi. Al 22 aqpanda Shri-Lankamen taǵy bir márte sheberlik baiqasady.
Aita keteiik, Aziia kýbogy 16-28 tamyz aralyǵynda Indoneziiada ótedi. Árbir topta birinshi jáne ekinshi oryn alǵan quramalar atalǵan týrnirdiń finaldyq kezeńine tikelei joldama alady. Úzdik úshtikke ilikkender qosymsha kezeńde synǵa túsip, joldamalardy sarapqa salady.
