Bas memlekettik sanitariialyq dáriger Jandarbek Bekshin ǵylymi jumystardyń nátijesinde Qazaqstan aýmaǵynda qyzylshanyń eki serotipi anyqtalǵanyn jariia etti, dep habarlaidy "Ult aqparat".
Bas memlekettik sanitariialyq dárigerdiń aitýyna qaraǵanda, elimizde 20-29 jas aralyǵyndaǵy eresekterdiń barlyǵyna vaktsinatsiia júrgizilip jatyr. Olardyń kóbine bala kezde ekpe jasalǵan. Sózine sensek, mundai qajettilikke jýyqta ǵana shyqqan serotipter sebep bolǵan.
«Qazaqstan aýmaǵynda eshqashan kezdespegen «Dýblin» jáne «Kabýl» serotipteri anyqtaldy. Bizdiń aǵza ol virýspen buryn eshqashan kezdesip kórmegen. Sondyqtan, aǵzamyz kei jaǵdaida qorǵana almai qalady. Sol sebepti bárine ekpe jasatyp jatyrmyz. Ekpe jasalǵandardyń kóbi de aýyryp qalyp jatyr. Sebebi bul jańa virýstar adamnyń immýndy qorǵanysyn buzyp kiredi. Sondyqtan atalǵan jasta barlyqtaryńyzǵa ekpe jasatýǵa shaqyramyz», - dedi Jandarbek Bekshin OKQ-da ótken baspasóz máslihatynda.
Onyń sózine qaraǵanda, bala kezde ekpe jasalǵan adamdar múlde egilmegenderge qaraǵanda kóp aýyrmaidy.
«Alaida juqtyrýdan saqtaný úshin 30 jasqa deiin taǵy bir vaktsina alǵan abzal. Eń birinshi kezekte 20-30 jastaǵy áielderdiń vaktsina alǵany jón. Sebebi, osy sanatta aýyrǵandardyń sany kóp. Ekinshiden, bolashaqta balalardyń aýrýyn aldyn alý úshin jumys júrgizip jatyrmyz», - dedi ol.
Eske sala ketsek, buǵan deiin Jandarbek Bekshin ekpe jasalmaǵan bala balabaqshaǵa kirgizilmeitinin málim etken edi.
