Foto: Ashyq derekkózden
Bas sanitariia dáriger - Densaýlyq saqtaý vitse-ministri Aijan Esmaǵambetova balalar arasynda tumaýdyń órshýine bailanysty Qazaqstan halqyna úndeý joldady, - dep habarlaidy Tengrinews.kz portaly.
Vitse-ministrdiń aitýynsha, epidemiialyq maýsym bastalǵaly, iaǵni 1 qazannan beri Qazaqstanda 2,2 million jiti respiratorlyq virýstyq infektsiialar jáne 2 284 tumaý jaǵdaiy tirkelgen, aýrýdyń 65 paiyzy 14 jasqa deiingi balalarda kezdesken.
Bas sanitariia dárigeri Qazaqstan halqyna balalardy adam kóp jinalatyn jerlerge aparmaýdy surap úndeý joldady.
"Ata-analarǵa ótinish aitqym keledi. Búgingi kúni barlyq áleýmettik jelilerde balalardyń dene qyzýy kóterilip, ony túsirý qiynǵa soǵatyny týraly aqparat tolyp jatyr. Ótinish, qazirgi jaǵdaidy eskerip, balalardyń densaýlyǵyna abai bolyńyzdar. JRVI jáne tumaý balalarda asqynyp tur. Jańa jyl merekesi kezinde jáne qańtarda aýrýshańdyqtyń joǵarylaýyna bailanysty balalardy mektep pen balabaqshaǵa, saýda ortalyqtaryna jáne basqa da adam kóp jinalatyn oryndarǵa aparmańyzdar", - dedi Aijan Esmaǵambetova.
