QR Bas memlekettik sanitar dárigeri Erlan Qiiasov óz qaýlysyna ózgertý engizdi. Onda endi Vero Cell vaktsinasyn qoldana otyryp KVI-ge qarsy vaktsinatsiia júrgizý sipattamasy kórsetilgen, dep habarlaidy "Ult aqparat".
«Belsendiligi joiylǵan (Sinopharm) COVID-19-ǵa qarsy vaktsina (Vero Cell) – SARS-CoV-2, 19nCoV-CDC-Tan-HB02, shtamynan jasalǵan, ol keiinnen suiyq vaktsina qalyptastyra otyryp, aliýminii gidroksidinen adiývantpen adsorbtsiialaý arqyly ósirindi alý jáne jinaqtaý, β-propiolaktonmen belsendiligin joiý, kontsentratsiialaý jáne tazartý úshin Vero jasýshalaryna egiledi. Vaktsinada antibiotikter men konservanttar joq», - delingen qaýlyda.
Vaktsina 18 jastan asqan eresek adamdarǵa salynady.
Vaktsinanyń shyǵarylý nysany:
1) bir dozaly qutyda engizý úshin 0,5 ml ónim bolady;
2) qutyda eki ret engizý úshin 1,0 ml ónim bolady, árbir engizý úshin bir doza retinde 0,5 ml qajet; bir adamǵa 1.0 ml engizýge tyiym salynady.
Vaktsinatsiialaý kestesi: engizý arasyndaǵy 21-28 kún aralyqpen eki doza, ár doza 0,5 ml. quraidy.
Usynylatyn engizý joly – bulshyqetke, kóbinese iyqtyń delta tárizdi bulshyqetine. Tamyr ishine engizýge qatań tyiym salynady.
Qutyny alǵash ashqannan keiin vaktsinanyń kólemi 1,0 ml qaldyǵy bólme temperatýrasynda 1 saǵattan artyq saqtalmaidy nemese pliýs 2°C-tan pliýs 8°C-qa deiingi temperatýra kezinde 6 saǵattan asyrmai saqtalady.
Vaktsinany ekinshi ret alý aldynda rezeńke tyǵynnyń betin dezinfektsiialaý qajet. Aiqaspaly lastanýdy boldyrmaý úshin dozany qutydan shpritske alý ony tikelei engizer aldynda júrgizilýi qajet. Quramynda konservant joq bolǵandyqtan, shpritske jinalǵan vaktsinany dereý paidalaný kerek. Shpritske birneshe ret aspiratsiiadan týyndaǵan egý dozasynyń qateligi barynsha azaitylýy tiis. Eger qutydaǵy qalǵan vaktsina 0.5 ml-den az bolsa, ony tastaý kerek jáne ártúrli qutydaǵy vaktsinanyń qaldyqtaryn aralastyrmaý kerek.
Bul preparatpen qaita immýndaý qajettiligi anyqtalǵan joq.
Vaktsinany engizýge qarsy kórsetilimder:
1) vaktsinanyń kez-kelgen komponentine (onyń ishinde qosymsha zattarǵa) allergiia;
2) vaktsinaǵa allergiialyq reaktsiialar (jedel allergiialyq reaktsiia, angionevrozdyq isiný, entigý);
3) baqylanbaityn epilepsiia nemese júike júiesiniń basqa da údemeli aýrýlary, sondai-aq anamnezinde Giien-Barre sindromynyń bolýy;
4) júktilik jáne laktatsiia kezeńi;
5) 18 jasqa deiin jas erekshelik.
123. Eger vaktsinatsiiadan keiin júike júiesi tarapynan jaǵymsyz reaktsiialar paida bolsa, osy ónimdi qaita paidalanýǵa tyiym salynady.
Vaktsinany mynadai jaǵdailarda:
1) jedel aýrýy, sozylmaly aýrýlardyń órshýi jáne qyzbasy bar patsientterge saqtyqpen qoldaný kerek; qajet bolǵan jaǵdaida, dáriger vaktsinatsiiany júrgizýdi keiinge qaldyrady;
2) qant diabetimen aýyratyn patsientterge jáne anamnezinde nemese otbasy anamnezinde qurysýlar, epilepsiia, entsefalopatiia, psihikalyq aýrýlary bar patsientterge saqtyqpen qoldaný kerek;
3) vaktsinany bulshyqetke engizý kezinde paida bolýy múmkin qan ketý qaýpine bailanysty qannyń uiýynyń buzylýy jáne trombotsitopeniia bar patsientterge saqtyqpen qoldaný kerek;
4) qaterli isik, nefrozdyq sindrom, JITS-pen aýyratyn naýqastar (bul adamdarda vaktsinanyń qaýipsizdigi men tiimdiligi týraly derekter alynbaǵan) siiaqty immýndyq fýnktsiiasy buzylǵan patsientterde saqtyqpen paidalaný kerek.
Immýndyq-globýlinder qabyldaityn adamdar immýndyq tiimdilikke áser etýdi boldyrmaý úshin osy preparatpen keminde 1 ai aralyqpen vaktsinatsiialanýy tiis.
Basqa dárilik zattarmen biriktirip qoldaný: immýndyq-sýpressivti zattar siiaqty immýndyq-sýpressivti preparattar, himiia-terapiiaǵa arnalǵan dárilik zattar, metabolizmge qarsy preparattar, alkilirleýshi agentter, tsitoýytty preparattar, kortikosteroidtar jáne t.b. preparattardy biriktirip qoldaný organizmniń osy ónimge immýndyq reaktsiiasyn tómendetýi múmkin.
Janama áserlerdiń paida bolý jiiligi:
1) óte jii: inektsiia ornyndaǵy aýyrsyný, bas aýrýy;
2) jii: qyzba, sharshaý, mialgiia, artralgiia, jótel, entigý, diareia, qyshyný;
3) jii emes: qyzarý, isiný, qataiý, bórtpe, qyshyný, bas ainalý, anoreksiia, qusý, aýyz-jutqynshaqtyń aýyrýy, disfagiia, tumaý, ish qatýy, asa joǵary sezimtaldyq;
4) sirek: eritema, jedel allergiialyq reaktsiia, sharshaý, uiqyshyldyq, uiyqtai almaý, túshkirý, nazofaringit, murynnyń bitelýi, tamaqtyń qurǵaýy, tumaý jaǵdaiy, titirkendirgishterge tómen sezimtaldyq (gipesteziia), aiaq-qoldardaǵy aýyrsyný, júrek soǵysynyń jiileýi, ish aimaǵyndaǵy aýyrsyný, bórtpe, teriniń jáne shyryshty qabyqtardyń qalyptan tys jaǵdaiy, bezeý, kózdiń aýyrýy (oftalmodeniia), qulaqtaǵy jaǵymsyz sezimder, limfa túiinderiniń ulǵaiýy (limfadenopatiia);
5) óte sirek: qaltyraý, dám sezýdiń buzylýy, dám sezbeý, kúidirý jáne ashytý sezimi (paresteziia), tremor, zeiin kontsentratsiiasynyń buzylýy, murynnan qan ketý (epistaksis), demikpe ustamalary, tamaqtyń jybyrlaýy, tonzillit, fizikalyq jaisyzdyq, moiynnyń aýyrýy, jaqtyń aýyrýy, moiynnyń tyǵyzdalýy, aýyzdyń shyryshty qabyǵyndaǵy jaralar, tis aýrýy, óńesh qyzmetiniń buzylýy, gastrit ustamalary, nájistiń tússizdenýi, kózdiń aýyrýy (oftalmodeniia), bulyńǵyr kórý, kózdiń titirkenýi, qulaqtyń aýyrýy, kúsh túskenin seziný, qysym, tómen qan qysymy, nesep ustamaý, etekkirdiń keshigýi.
Vaktsinamen bailanysty kúrdeli janama reaktsiialar baiqalǵan joq.
Vaktsinany saqtaý sharttary – jaryqtan qorǵalǵan jerde, salqyn kúide pliýs 2° C-tan pliýs 8 °C-qa deiingi temperatýrada. Muzdatýǵa bolmaidy.
Jaramdylyq merzimi – 24 ai. Qaptamasynda jáne zattańbasynda kórsetilgen jaramdylyq merzimi ótkennen keiin paidalanýǵa bolmaidy.
Qaýly qol qoiylǵan kúnnen bastap kúshine enedi.
Eske salaiyq, Qazaqstan balalarǵa egýge bolatyn Qytaidyń Vero Cell vaktsinasynyń 4 mln dozasyn satyp alǵany jóninde buǵan deiin habarlaǵan bolatynbyz. 10 tamyzda onyń alǵashqy partiiasy «SQ-Farmatsiia» qoimasyna jetkizildi.
