QR Densaýlyq saqtaý vitse-ministri – bas memlekettik sanitar dáriger Erlan Qiiasov aldaǵy mereke kúnderi halyqty indetten saq bolýǵa shaqyrdy, dep habarlaidy "Ult aqparat".
«Qurmetti qazaqstandyqtar! Uzaq demalys kúnderi men aldaǵy merekelerdiń jaqyndaǵanyn eskere otyryp, sizderdi koronavirýs infektsiiasynyń aldyn alý sharalaryn saqtaýǵa shaqyramyn. Halyq kóp jinalatyn oryndarǵa barmai, ujymdyq sharany ótkizbeý jáne oǵan qatyspaý kerek. Sýyq tigizip alýdan saqtanǵan abzal», - dedi vitse-ministr OKQ-da ótken baspasóz máslihatynda baspasóz máslihatynda.
Vitse-ministrdiń aitýynsha, ár azamat koronavirýsqa bailanysty óz otbasy men jaqyndaryna jaýapty bolýy kerek.
Basqa adamdarǵa juqtyrmas úshin mindetti túrde meditsinalyq maska taǵyp, áleýmettik araqashyqtyqty saqtaǵan durys.
