Foto: Áleýmettik jeliden
Qazaqstannyń Bas prokýrory Berik Asylov burynǵy ulttyq ekonomika ministri Qýandyq Bishimbaev óltirdi dep aiyptalǵan Saltanat Núkenovanyń isine qatysty pikir bildirdi, - dep habarlaidy Massaget.kz portaly.
Bas prokýratýra janyndaǵy úilestirý keńesiniń otyrysynda Asylov áielder men balalarǵa qatysty qylmystyq áreketter qoǵamdy dúrliktirgenin atap ótti.
"Jaqyndaǵy Núkenovanyń ólimi internet keńistigin dúr silkindirdi. Qazirdiń ózinde 150 myńǵa jýyq qazaqstandyq turmystyq zorlyq-zombylyqtan qorǵaýdy kúsheitý týraly petitsiiaǵa qol qoidy.
Sonymen qatar bul baǵytta jumys turaqty júrgizilip jatyr. Biyl otbasylyq-turmystyq quqyq buzýshylyqtar úshin qamaýǵa alý merzimi ulǵaityldy, taraptardy qaita tatýlastyrýǵa tyiym salyndy", - dedi Asylov.
Ol politsiianyń turmystyq zorlyq-zombylyq qurbandarynyń shaǵymyn qaraý jumystary qaita qurylǵanyn túsindirdi.
"Nátijesinde, úshinshi toqsanda ákimshilik jaýapkershilikke tartylǵan janjal shyǵarýshylar sany 7 myńnan 27 myńǵa deiin kóbeigen. Jyl basynan beri 80 adam kisi óltirgeni jáne aýyr jaraqattar úshin uzaq merzimge bas bostandyǵynan aiyryldy. Biraq tek jazalaý ádisteri jaǵdaidy túzete almaidy. Tártip ornatýda bizge qoǵamnyń, árbir azamattyń belsendi qoldaýy qajet", – dedi Bas prokýror.
