Kollaj: Kárim Másimov, Ánýar Sadyqulov. Foto ©Turar Qazanǵapov, gov.kz
Bas prokýror Berik Asylov UQK-niń burynǵy tóraǵasy Kárim Másimov pen onyń burynǵy orynbasary Ánýar Sadyqulov UQK departamentteri ǵimaratynan ketýge buiryq bergenin aitty, - dep habarlaidy Tengrinews.kz portaly.
"Aimaqtyq quqyq qorǵaý vedomstvolary basshylarynyń qyzmettik ókiletin asyra paidalaný derekterine jeke toqtalyp óteiin. Tártipsizdiktiń eń qyzǵan shaǵynda Almaty, Almaty jáne Qyzylorda oblystary UQK departamentteriniń jeke quramy túgel derlik óz ǵimarattaryn tastap ketken.
Tergeý málimetteri boiynsha, 5 qańtarda UQK tóraǵasynyń orynbasary Sadyqulovtan jeke quramnyń ǵimarattan shyǵýǵa daiyndyǵy týraly jazbasha buiryq kelip túsken. Másimovtiń tapsyrmasy boiynsha Almaty qalasy men Qyzylorda oblysyndaǵy UQKD ǵimarattary bos qaldy. Sondai-aq, basshylyqtyń pármenimen Almaty jáne Jambyl oblystarynyń Politsiia departamentteriniń ǵimaraty qaraýsyz qaldy", - dedi Asylov Májilis otyrysynda.
Ol bul basshylar álsizdik tanytqanyn málimdedi.
"Nátijesinde tártipsizdikti basý úshin der kezinde sharalar qabyldanbady. Sońynda Almaty men Taldyqorǵan eki kún boiy tolyǵymen qarýly qaraqshylardyń qolynda boldy. Olardyń qolyna tutas arsenal tústi - 3 myńǵa jýyq avtomat, tapansha, snaiperlik vintovka jáne ondaǵan myń oq-dári. Iaǵni, osy basshylardyń kinásinen eń qaýipti qarý búlikshilerdiń qolynda bolyp shyqty", - dep túsindirdi Asylov.
Ol 2 myńǵa jýyq qarýdyń qaida ekeni áli belgisiz ekenin aitty.
"Arnaiy prokýrorlar ókiletin asyra paidalaný derekteri boiynsha tergeýdi aiaqtady. UQK-niń úsh oblystyq departamentiniń, Almaty oblysy Politsiia departamentiniń burynǵy basshylaryna jáne basqa da tulǵalarǵa qatysty qylmystyq ister sotqa jiberildi. Qazir sot protsesteri júrip jatyr. Olardyń kinásiniń dárejesi men jaza sharasyn sot anyqtaidy. Jambyl oblysy PD eks-basshysyna qatysty qylmystyq qýdalaý ólimine bailanysty toqtatyldy - ol ózin atyp óltirdi", - dep túiindedi sózin bas prokýror.
