Bas prokýratýra qazaqstandyqtarǵa feik aqparat, jala jabý jáne sailaý kezindegi saýalnamalarǵa qatysty eskertý jasady, dep habarlaidy ult.kz.
Qazaqstan Respýblikasynyń Bas prokýratýrasy azamattarǵa, buqaralyq aqparat quraldaryna jáne saiasi partiialarǵa sailaý kezeńinde zań talaptaryn saqtaý qajettigin eskertti.
Vedomstvonyń málimetinshe, saiasi partiialar úgit-nasihat jumystaryn adal júrgizýge mindetti. Sondai-aq sailaýshylardy satyp alý siiaqty zań buzýshylyqtar úshin jaýapkershilik qarastyrylǵany eske salyndy.
Bas prokýratýra BAQ pen azamattarǵa jala jabýǵa jáne adamnyń ar-namysy men bedeline nuqsan keltiretin úgit materialdaryn taratýǵa jol berilmeitinin atap ótti.
«Qoǵamdyq tártiptiń buzylýyna qaýip tóndiretin nemese azamattar men uiymdardyń quqyqtary men zańdy múddelerine eleýli ziian keltirýi múmkin ekeni aldyn ala belgili jalǵan aqparatty taratý Qazaqstan Respýblikasy Qylmystyq kodeksiniń 274-babyna sáikes qylmystyq jaýapkershilikke ákep soǵady», – dep málimdedi Bas prokýratýra.
Sonymen qatar vedomstvo sailaýǵa qatysty qoǵamdyq pikirge saýalnama júrgizýge jáne onyń nátijeleri boiynsha boljam jariialaýǵa qoiylatyn talaptardy da eske saldy. Mundai saýalnamalardy tek Ortalyq sailaý komissiiasynda tirkelgen zańdy tulǵalar ǵana ótkize alady.
