Foto: Ashyq derekkózden
QR Bas prokýratýrasy Almaty oblystyq Politsiia departamenti bastyǵynyń orynbasary Rýstam Ábdirahmanov tergeýge alynýy týraly aqparatqa túsinikteme berdi, - dep habarlaidy Massaget.kz portaly.
"Qazirgi ýaqytta Rústem Ábdirahmanov ornynda, qyzmetinen shettetilgen joq. Ol reiderlik iske qatysty kýáger sanalady jáne kýágerlerdiń qatarynda. Kúdikke ilikken joq. Odan jaýap alyndy, tergeý is-sharalary júrgizildi", - deidi QR Bas prokýratýrasy Qylmystyq qýdalaý qyzmetiniń bastyǵy Eldos Saǵiev.
Sonymen qatar Bas prokýratýra ókili oǵan qatysty tintý is-sharalarynyń júrgizilmegendigin, uialy telefony tárkilenbegendigin atap ótti.
Eske salaiyq, buǵan deiin BAQ-ta Almaty oblysy Politsiia departamenti bastyǵynyń orynbasary Rýstam Ábdirahmanovtyń turǵylyqty jeri men jumys ornynda tintý júrgizilgeni týraly aqparat taraǵan bolatyn.
Keiin Almaty oblysy PD-niń baspasóz qyzmeti odan qylmystyq is boiynsha jaýap alynǵany týraly aqparatty rastady.
