Foto: caravan.kz
Bas prokýrordyń birinshi orynbasary Timýr Táshimbaev Arqankergen isi boiynsha ómir boiyna bas bostandyǵynan aiyrylǵan Vladislav Chelahtan aryz túskenin rastady, dep habarlaidy Sputnik Qazaqstan.
"Onyń aryzy bas prokýratýraǵa tústi. Biz ony taǵy qosymsha zerdeleimiz. Sebebi bul istiń qaralǵanyna on jyl boldy. Qajet bolsa, odan jaýap alynady", - dedi Táshimbaev ortalyq kommýnikatsiialar qyzmetinde ótken brifingte.
Aita keteiik, buǵan deiin birqatar buqaralyq aqparat quralynda Vladislav Chelahtyń málimdemesi tarady. Ol "Arqankergendegi oqiǵa shyn máninde qalai bolǵanyn aitamyn" dep otyr.
2012 jyly shekarashy Vladislav Chelah 14 áskeri qyzmetshi men bir qoryqshyny óltirgeni úshin kináli dep tanylyp, ómir boiyna bas bostandyǵynan aiyrylǵan bolatyn.
Appeliatsiiaǵa bergen. Biraq sottyń úkimi ózgerissiz qaldy.
