QR Bas prokýrorynyń orynbasary Marat Ahmetjanov Pavlodar oblysynyń burynǵy ákimi Bolat Baqaýovqa qatysty iske túsinik berdi, – dep habarlaidy QazAqparat.
«Prokýrordyń ókilettigi Konstitýtsiiamen jáne basqa da zańmen rettelgen. Sotta prokýror óziniń qorytyndysyn jariialady, sol qorytyndyǵa sáikes teregý soty ol kúdiktini (B.Baqaýovty) eki ai qamaý merzimine aldy. Tergeý sharalary baqylaýda tur», - dedi Marat Ahmetjanov.
Budan buryn habarlanǵandai, Memleket basshysynyń Jarlyǵymen Bolat Jumabekuly Baqaýov Pavlodar oblysynyń ákimi qyzmetinen bosatyldy.
Eske salaiyq, QR Ulttyq qaýipsizdik komiteti B.Baqaýovqa qatysty laýazymdyq ókilettigin asyra paidalaný faktisi boiynsha qylmystyq is qozǵaǵan bolatyn. Keiin, Pavlodardyń mamandandyrylǵan tergeý soty ony eki aiǵa qamaýǵa alý týraly bultartpaý sharasyn sanktsiialady.
Bolat Baqaýovqa Qazaqstannyń Qylmystyq Kodeksiniń 362 baby 4-bóligi úshinshi pýnkti boiynsha qylmys jasady degen kúdik keltirilip otyr. Atalmysh baptar ózine jáne ózge azamattar men uiym úshin paida tabý maqsatynda qyzmettik ókilettigin asyra paidalaný degendi bildiredi.
