Jambyl oblysyndaǵy jarylystan keiin Jelide sol mańda túsirilgen video tarap jatyr. Onda áiel jarylystan keiingi dúken ishin kórsetken, - dep habarlaidy Tengrinews.kz.
Jelide taraǵan videoda áiel adam alapat jarylys bolǵanyn aitady.
"Terezeler joq, bári qiraǵan. Alapat jarylys boldy. Qalǵany osy. Bári qiraǵan", - deidi jylap turǵan áiel kadr syrtynda.
Kadrlardan alysta qara tútin shyǵyp jatqanyn kórýge bolady. Sonyń mańyndaǵy dúkenniń ishi videoǵa túsirilgen. Terezeler synyp, dúken tóbesindegi aǵashtar qulaǵanǵa uqsaidy.
Eske salaiyq, Jambyl oblysy Baizaq aýdanynda ornalasqan áskeri bólimde saǵat 19.00 shamasynda qoimalardyń biriniń janynda órt shyqqan. Órt saldarynan anyqtalmaǵan zattar jarylǵan. Jaqyn mańdaǵy turǵyndar evakýatsiialanǵany anyqtaldy.
