Májilistiń burynǵy depýtaty Baqytjan Bazarbek Jambyl oblysynda bolǵan jol apatyna qatysty alǵash ret pikir bildirdi. Ol áleýmettik jelide taraǵan túrli boljamdarǵa senbei, tergeýdiń resmi qorytyndysyn kútýge shaqyrdy, dep habarlaidy ult.kz.
Bazarbek Facebook paraqshasynda jol apatyna bailanysty sotqa deiingi tergep-tekserý jalǵasyp jatqanyn jáne qajetti saraptamalardyń qorytyndysy kútilip otyrǵanyn jazdy.
Onyń aitýynsha, ózi men jubaiy tergeý derekterin jariia etpeý týraly qolhat bergen. Sondyqtan oqiǵanyń mán-jaiyna qatysty barlyq suraqqa qazir jaýap bere almaitynyn jetkizdi.
«Meniń qatysýymmen bolǵan jol-kólik oqiǵasyna qatysty kóptegen boljamdar men túrli áńgimelerge jaýap bere almaimyn jáne kóp nárseni jazýǵa da múmkindigim joq. Qozǵalǵan sotqa deiingi tergep-tekserý aiasynda jubaiym ekeýmiz sotqa deiingi tergep-tekserý derekterin jariia etpeý týraly qolhat berdik», – dep jazdy Bazarbek.
Burynǵy depýtat tergeý organdary oqiǵanyń barlyq mán-jaiyna zań aiasynda obektivti ári ádil baǵa beretinine senetinin aitty.
