Kórneki foto: wikiway.com
Balqashta 130-dan asa politsiia qyzmetkeri men erikti jumyldyrylǵan joǵalǵan qyzdy izdeý jumystary aiaqtaldy. Qyzdyń denesi tabyldy, - dep habarlaidy "Ult aqparat" IIM baspasóz qyzmetine silteme jasap.
Vedomstvo málimetinshe, keshe keshki ýaqytta politsiiaǵa jergilikti turǵynnan 15 jastaǵy qyzynyń joǵalǵany týraly habarlama túsken.
"Azamat aryzynda qyzy kúndizgi 16:00 shamasynda bi úiirmesine shyǵyp, odan oralmaǵanyn aitty.
Qalalyq politsiia bóliminiń qyzmetkerleri dabyl júiesi boiynsha kóterilip, izdeý jumystary bastaldy. Bala bolýy múmkin degen taksi jáne kólik turaqtary tekserilip, qala joldaryndaǵy beinebaqylaý kameralarynyń jazbalaryn zerdeleý, barlyq aýlany sholý jumystary júrgizildi.
Izdeýge eriktiler, qala turǵyndary atsalysty" - delingen habarlamada.
Vedomstvo dereginshe, izdeý jumystary 11 jeltoqsan tańerteńgilik Balqash kóliniń mańyna alyp kelgen.
"Kól jaǵasynan joǵalǵan qyzdyń kiimderi tabyldy. Osy ýaqyttan bastap kóldiń aýmaǵyn qaraý jumysy júrgizildi.
Saǵat 13:36 shamasynda kólden 40-50 metr qashyqtyqta, 2,5-3 metr tereńdikte qyzdyń máiiti tabyldy. Aldyn ala boljam boiynsha, ol óz-ózine qol jumsaǵan. Qazir oqiǵanyń mán-jaiy anyqtalyp jatyr" - delingen habarlamada.
