Balqashta jylý jelilerin salý tolyq júrip jatyr. Qubyrlar JEO-nan «Qońyrat» shaǵyn aýdanyna deiin sozylady. Jylý magistraliniń uzyndyǵy - 17 km. Búginde jumys 30%-ǵa oryndaldy, dep habarlaidy oblystyq ákimdiktiń baspasóz qyzmeti.
Qaraǵandy oblysynyń ákimi Jeńis Qasymbek Balqashqa jumys sapary barysynda jylý jelileri men birqatar basqa nysandardyń qurylysy qalai júrip jatqanyn tekserdi. Bul jobalardy «Jumyspen qamtý jol kartasy» baǵdarlamasy arqasynda júzege asyrý múmkindigi paida boldy.
- Biyl jylý magistralin osy jyl sońyna deiin salý sheshimi qabyldandy. Qala jańa qurylys jumys kólemin aldy. Bul JQJK iske asyrýdyń aiqyn mysaldarynyń biri. Bul baǵdarlama boiynsha 123 jumys orny quryldy. Jartysy- Jumyspen qamtý ortalyǵy arqyly. Aqshamen problema joq, bizge sapa kerek, - dep Jeńis Qasymbek merdigerden talap etti.
Jospar boiynsha jańa jylý jelisin osy jyldyń sońyna deiin salyp bitirýi tiis. Úilerge qosý boiynsha jumystar kelesi jyly bastalady. Qazir «Qońyrattaǵy» qoldanystaǵy ortalyq qazandyq 100 paiyzǵa daiyn deýge bolady. Barlyq qajetti jóndeý jumystary ótkizildi.
Jylý jelilerinen basqa qalada jeke investitsiiamen qaraýsyz qalǵan jataqhanalar qalpyna keltirilýde. Ǵimarat 90-jyldardan beri bos tur.
Jýyr ýaqytta munda baspana alýǵa kezekte turǵan 30 kóp balaly otbasylar turatyn bolady. Olar úshin arnaiy qaita josparlaý jasaldy.
Qalada ortalyq saiabaqta qalpyna keltirilýde. Ol uzaq ýaqyt azyp-tozyp turdy. Jýyr ýaqytta turǵyndardyń qydyrýǵa jáne demalýǵa arnalǵan jańa oryn paida bolady. Abattandyrý men kógaldandyrýdan basqa onda basketbol, fýtbol jáne vorkaýt alańdary ornatylady. Saiabaq shaǵyn sáýlet piishinderimen bezendiriledi.
Oblys ákimi «Shańyraq» áielderge arnalǵan daǵdarys ortalyǵyn da aralady. Ony «Rýhani jańǵyrý» baǵdarlamasynyń sheńberinde «Koýnrad» korporativtik qory ashqan. Onda turmystyq kúsh kórsetýden zardap shekken áielder ornalastyrylady. Munda tek qiyn ómirlik jaǵdailar gana emes, sonymen birge zańgerlerdiń, psihologtardyń, meditsina jáne áleýmettik qyzmetkerlerdiń kómegin alýǵa bolady.
-Ortalyq missiiasy – qiyn ómirlik jaǵdaiǵa dýshar bolǵan áielderdiń, kóp balaly jáne az qamtylǵan otbasylardyń ómir sapasyn arttyrý, áielderdiń ekonomikalyq derbestigi men qiyn jaǵdaida shyǵýyna sep bolatyn jeke bastamasyn nyǵaitý. Munda qandai da bir kásibi daǵdylar alýǵa deiin maksimaldy kómek kórsetiledi. Mysaly, qalanyń atele, shashtaraz jáne kýlinariia siiaqty uiymdarymen sharttar negizinde master-klasstar uiymdastyrylady. Munyń barlyǵy jumys istemeitin áielderdiń óz betimen aqsha taba alýy úshin, - dedi «Sary Kazna» JShS direktory Pavel Semenchenko.
- Mańyzdy istermen ainalysyńyzdar. Ókinishke orai, bizde oblysta turmystyq kúsh kórsetýmen problemalar bar. Barlyq qala ákimderine mundai uiymnyń jumys isteýine áleýmettik baǵdarlamalarǵa aqsha bólý qajet, - dep Jeńis Qasymbek tapsyrdy.
