Almaty oblysynyń Balqash aýdanynda órt shyqty. Aldyn ala aqparat boiynsha, kottedjder men balyq aýlaý bazalaryndaǵy sý kóligi órtengen. Bir adamnyń denesin kúiik shalyp, aýrýhanaǵa jetkizildi, - dep habarlaidy Tengrinews.kz.
Oqiǵa bolǵan jerden túsirilgen sýretter men videony oqyrmandar Tengrinews.kz redaktsiasynyń WhatsApp nómirine jiberdi.
"Zavidovodan" (balyq aýlaý bazasy - avt. eskert.). Búkil delta (Ile ózeni - avt. eskert.) Araltóbeden bastap, ondaǵan shaqyrymǵa deiin órtenip ketti. Túnde bazalarda halyq kezekshilik etedi. Qaraózek aýyly (Balqash aýdanynda - avt. eskert.) órtendi. Balqashqa deiingi jaǵlaýdyń bári órtendi. "Zavidovo" da", - deidi oqyrman.
Taǵy bir oqyrman "naǵyz ekologiialyq apat" bolǵanyn jazǵan.
"Myńdaǵan gektar qamys qopalary órtendi. Janýarlar da órtendi. Birneshe ań jáne balyq aýlaý bazalary órtendi. Maldar men shoshqalar ólip jatyr. Shoshqalar qazir qumdarda jatyr, tipti qashpaidy, álsiregen".
Zavidovo balyq aýlaý bazasynyń qyzmetkeri Olga órt 12 sáýirde tańerteń saǵat 10-11 shamasynda bazaǵa jetkenin aitty.
"Mundai jaǵdaida qaýipsizdik erejelerin bári biledi. Sondai-aq órt sóndirýge arnalǵan tehnika da bar. Qyzmetkerlerimizdiń arqasynda órt 16.00-ge deiin tolyǵymen oqshaýlandy, shamamen 10-15 adam órt sóndirý sorǵylarymen órtti sóndirdi, gidranttar qoldanyldy. Birde-bir ǵimarat, birde-bir qyzmetker, qonaqtar zardap shekken joq", - dedi Olga.
Ekologiia, geologiia jáne tabiǵi resýrstar ministrliginiń baspasóz hatshysy Samal Ibraevanyń aldyn ala málimetine súiensek, órt Almaty oblysynyń Balqash aýdanynda bolǵan. Qazir órt ózen atyrabynyń batys bóliginen Ile ózeniniń shyǵys bóligine balyq sharýashylyǵy sýbektileri joq Ile-Balqash rezervatyna qarai aýysqan.
"Balyq sharýashylyǵy sýbektileri emes jeke týristik bazalardyń órtený qaýpi bar. Búgin tańerteń ormanshylar áýeden baqylaý júrgizedi, sondyqtan qosymsha aqparat keiinirek beriledi", - dep túsindirdi Samal Ibraeva.
14 sáýirdegi saǵat 23.00-degi jaǵdai boiynsha Balqash mańy qoryqshasynda bolǵan órt saldarynan balyq sharýashylyǵynyń eki sýbektisine zalal kelgen.
Almaty oblysy TJD Balqash aýdanynda 12 sáýirde órt shyqqanyn habarlady. Sol kezde TJD jedel shtaby qurylǵan. Búgin, 15 sáýirde, órt áli joiylǵan joq.
