Balqash qalalyq soty óziniń qyzyn "30 myń teńgege satqan" Qaraǵandy oblysynyń turǵynyna ambýlatorlyq em alý úshin psihiatrlyq klinikaǵa jatqyzý týraly úkim shyǵardy. Sotta áieldiń psihikalyq aýytqýlary bar ekenin dáleldeitin aiǵaqtar keltirildi, - dep habarlaidy "Ult aqparat" kaz.tengrinews.kz portalyna silteme jasap.
"Ctatsionarlyq keshendi sot-psihiatrlyq saraptamanyń qorytyndysy boiynsha, óz qyzyn satqan áiel osyǵan deiin de jáne búginge deiin psihikalyq aýytqýlary bar. Sottyń sheshimine sáikes, aiypty dep tanylǵan áiel psihiatrdan em alatyn bolady", - dedi Balqash qalalyq sotyndaǵylar.
Eske sala keteiik, osyǵan deiin Qaraǵandy oblysynda óz qyzyn 30 myń teńgege "satyp jibergen" áieldiń jazadan qutylyp ketýi múmkin ekeni aitylǵan bolatyn. "Is qarastyrý kezeńinde. Bas ot otyrysy búgin ótedi. Prokýratýranyń aiyptaý qorytyndysyna sáikes, qylmystyq is "Kámeletke tolmaǵandar saýdasy" baby boiynsha bastaldy. Sondai-aq, is materialdarynda kúdiktiniń psihikalyq aýytqýy bar degen anyqtama bar, iaǵni ol jasaǵan áreketi úshin jaýap bere almaidy", - degen edi sottaǵylar.
