Bektaý ata shatqalyndaǵy úńgirler retke keltirile bastady. Eriktiler tabiǵi kórikti jerlerdi qoqystardan tazartady jáne tastaǵy jazýlardy óshiredi, dep habarlaidy "Ult aqparat" Qaraǵandy oblysy ákimdiginiń saityna silteme jasap.
Bektaý ata shatqaly Qazaqstannyń júz kieli oryndarynyń qataryna kiredi. Degenmen, kórkem jerdegi tastarǵa týrister attaryn jazyp ketedi. Tamyz aiynda almatylyq Aleksandr Petrovtyń jelige jariialaǵan kórikti jerlerdiń fotosýretteri qoǵamdyq rezonans týdyrdy. Ol úńgirge jazylǵan kireberisti túsirgen. Sýretten úńgirdiń qabyrǵasyna osynda kelgenderdiń boiaýmen óz atyn, tegin nemese oiyn jazyp ketkenin kórýge bolady. Olardyń oiynsha máńgige estelik retinde qaldyrýda turǵan eshteńe joq shyǵar.
Osydan keiin Qaraǵandy oblysy Aqtoǵai aýdanynyń kásipkerlik jáne ónerkásip bóliminde shatqalǵa reid júrgiziletinin málimdedi. «Jartastaǵy sýretterdiń» avtorlary tabylyp, jaýapkershilikke tartylady.
Qaraǵandy oblystyq máslihatynyń depýtaty Aiman Túkbaeva da shette qalǵan joq. Ol shatqaldy qalpyna keltirýge múmkindik beretin jobany bastady. Muny eriktiler jumys atqarady – olar jazýlardy óshiredi, úńgirdi qoqystardan tazartady.
Aiman Túkbaeva biregei tabiǵi kórikti jerlerdi qorǵaýǵa alǵash ret atsalysyp otyrǵan joq. 2018 jyly ol shatqaldarǵa reid jasaýǵa belsendi qatysqan. Sodan keiin bastamashyl top sý qoimalaryna túgendeý júrgizdi.
Aita keteiik, Bektaý ata taýynyń eteginde «Alaý» balalar saýyqtyrý lageri ornalasqan. Sońǵy jyldary munda aýqymdy jóndeý jumystary júrgizildi. Ǵimarattar, qyzmettik jáne sharýashylyq úi-jailar retke keltirilip, aýmaq abattandyryldy. Ótken jyly lagerde Arys qalasynan 200 bala kelip, demaldy.
Volonterlik topqa qosylýǵa jáne Bektaý ata shatqalynyń bastapqy qalpyn qaitarýǵa kómektesý úshin (8-71038) 2-13-35 nómirine qońyraý shalý arqyly qosylýǵa bolady.
