Almatyda balany julqylap jatqany videoǵa túsip qalǵan tárbieshi óz erkimen jumystan ketti, dep habarlaidy QazAqparat.
Bul video áleýmettik jelide taralyp ketken bolatyn. Oqiǵa Áýezov aýdanyndaǵy №58-balabaqshada bolǵan.
Qalalyq bilim basqarmasy bul oqiǵadan soń balabaqsha meńgerýshisine qatań sógis jariialanǵanyn habarlady.
«Keshe bul jait boiynsha ata-ana habarlasty. Qalalyq bilim basqarmasy birden komissiia quryp, bilim berý ornyna jiberdi. Videokameradaǵy barlyq derek tekserildi. Belgili bolǵandai, tárbieshi balany basynan urmaǵan. Qarama-qarsy otyrǵan balalar tamaqty bir birine laqtyrǵan. Tárbieshi bir balanyń mańdaiyndaǵy botqany alǵan kezde urǵan siiaqty kóringen. Ekinshi balany jýynatyn bólmege súirelegende ol barmaimyn degen. Julqylaǵany anyq. Ony esh joqqa shyǵara almaimyz», - dedi qalalyq bilim basqarmasynyń mektepke deiingi bilim berý bóliminiń basshysy Áliia Saǵieva.
Onyń aitýynsha, balabaqsha meńgerýshisi tárbieshige sógis jariialady. Tárbieshi bolǵan oqiǵadan soń óz erkimen aryz jazyp, jumysynan ketti.
«Meńgerýshige de baqylaýda osaldyq tanytqany úshin basqarma tarapynan eskertý beriledi», - dedi Á. Saǵieva.
