الماتىدا بالانى جۇلقىلاپ جاتقانى ۆيدەوعا تٷسٸپ قالعان تەربيەشٸ ٶز ەركٸمەن جۇمىستان كەتتٸ, دەپ حابارلايدى قازاقپارات.
بۇل ۆيدەو ەلەۋمەتتٸك جەلٸدە تارالىپ كەتكەن بولاتىن. وقيعا ەۋەزوۆ اۋدانىنداعى №58-بالاباقشادا بولعان.
قالالىق بٸلٸم باسقارماسى بۇل وقيعادان سوڭ بالاباقشا مەڭگەرۋشٸسٸنە قاتاڭ سٶگٸس جارييالانعانىن حابارلادى.
«كەشە بۇل جايت بويىنشا اتا-انا حابارلاستى. قالالىق بٸلٸم باسقارماسى بٸردەن كوميسسييا قۇرىپ, بٸلٸم بەرۋ ورنىنا جٸبەردٸ. ۆيدەوكامەراداعى بارلىق دەرەك تەكسەرٸلدٸ. بەلگٸلٸ بولعانداي, تەربيەشٸ بالانى باسىنان ۇرماعان. قاراما-قارسى وتىرعان بالالار تاماقتى بٸر بٸرٸنە لاقتىرعان. تەربيەشٸ بٸر بالانىڭ ماڭدايىنداعى بوتقانى العان كەزدە ۇرعان سيياقتى كٶرٸنگەن. ەكٸنشٸ بالانى جۋىناتىن بٶلمەگە سٷيرەلەگەندە ول بارمايمىن دەگەن. جۇلقىلاعانى انىق. ونى ەش جوققا شىعارا المايمىز», - دەدٸ قالالىق بٸلٸم باسقارماسىنىڭ مەكتەپكە دەيٸنگٸ بٸلٸم بەرۋ بٶلٸمٸنٸڭ باسشىسى ەلييا ساعيەۆا.
ونىڭ ايتۋىنشا, بالاباقشا مەڭگەرۋشٸسٸ تەربيەشٸگە سٶگٸس جارييالادى. تەربيەشٸ بولعان وقيعادان سوڭ ٶز ەركٸمەن ارىز جازىپ, جۇمىسىنان كەتتٸ.
«مەڭگەرۋشٸگە دە باقىلاۋدا وسالدىق تانىتقانى ٷشٸن باسقارما تاراپىنان ەسكەرتۋ بەرٸلەدٸ», - دەدٸ ە. ساعيەۆا.
