Óskemen qalasyndaǵy «Arman» balabaqshasynyń tárbieshisine qatysty qylmystyq is qozǵaldy, dep habarlaidy "Ult aqparat".
ShQO ákimi baspasóz qyzmetiniń málimetine súiensek, 3 naýryzda oblystyq bilim basqarmasyna habarlasqan ata-ana «Arman» balabaqshasyndaǵy «Erketai» toby tárbieshisiniń balaǵa qatal qaraýy jáne tárbieleý jónindegi ózine júktelgen mindetterin oryndamaýy týraly aryzben júgindi.
«Qazirgi ýaqytta QR QK 140-baby 2-bóligi boiynsha sotqa deiingi tergeý bastaldy. Tiisti saraptamalar taǵaiyndalǵan» delingen habarlamada.
Balabaqsha direktory men tárbieshisi QR Eńbek kodeksiniń 52-baby aiasynda qyzmetterinen bosatyldy.
Búgin ShQO bilim basqarmasynyń basshylyǵy balabaqsha tárbielenýshileriniń ata-analarymen kezdesý ótkizedi.
«Sondai-aq qalanyń úzdik psihologtary balalarmen jumys isteýge tartylatyn bolady. Másele oblys basshylyǵynyń baqylaýynda» delingen aqparatta.
