Almaty oblysynda eki balany kóligimen qaǵyp, oqiǵa ornynan qashyp ketken 65 jastaǵy júrgizýshi ustaldy, dep habarlaidy ult.kz.
Oqiǵa Abai aýylynda bolǵan. Balalardyń biriniń ákesiniń aitýynsha, eki jetkinshek dúken mańynda balmuzdaq jep otyrǵan. Sol sátte olardy Cobalt kóligi qaǵyp ketken. Júrgizýshi kóligin toqtatpastan, oqiǵa ornynan ketip qalǵan.
Jol-kólik oqiǵasynan zardap shekken eki bala aýrýhanaǵa jetkizilip, olarǵa ota jasalǵan.
Almaty oblysynyń politsiia departamenti atalǵan fakti boiynsha sotqa deiingi tergeý bastalǵanyn habarlady.
Politsiia málimetinshe, jol-kólik oqiǵasynan keiin oqiǵa ornynan qashyp ketken 65 jastaǵy júrgizýshi ustalyp, ýaqytsha ustaý izoliatoryna qamalǵan.
Qazir oqiǵanyń barlyq mán-jaiyn anyqtaýǵa baǵyttalǵan qajetti tergeý áreketteri júrgizilip jatyr.
