© Photo: Sputnik Qazaqstan
Antikor balalardy ońaltý emine kvotalar bólý kezinde sybailas jemqorlyq táýekelderi aiasynda Densaýlyq saqtaý ministrligine usynys engizdi, - dep habarlaidy "Ult aqparat" vedomstvonyń baspasóz qyzmetine silteme jasap.
Sybailas jemqorlyqqa qarsy qyzmet QPK 200-babyna sáikes Densaýlyq saqtaý ministrligine balalardy ońaltý emine kvotalaryn bólý máseleleri boiynsha zańdy buzýǵa yqpal etken mán-jailardy joiý týraly usynys engizgen.
"Buǵan deiin Sybailas jemqorlyqqa qarsy qyzmet Qazaqstan Respýblikasyndaǵy Bala quqyqtary jónindegi ýákil Arýjan Sainniń ótinishi negizinde "University Medical Center" korporativtik qorynyń balalardy ońaltý ulttyq ortalyǵy qyzmetkerleriniń zańsyz aqshalai syiaqy alý faktileri boiynsha sotqa deiingi tergeý júrgizgen bolatyn.
BOUO qyzmetkerleriniń biri múmkindigi shekteýli balalardyń ata-analarynan balalardy ońaltý emine kvota bergeni úshin 60-tan 100 myń teńgege deiin aqshalai qarajat alǵany anyqtaldy", - delingen habarlamada.
Tergeý nátijeleri boiynsha birneshe jyl boiy qoldanylyp kelgen alaiaqtyq shema toqtatylyp, ata-analarǵa keltirilgen zalal tolyǵymen ótelgen.
Sonymen qatar, tergeý barysynda balalardy ońaltý emin kórsetý máseleleri boiynsha birqatar problema men kemshilikter anyqtalǵan.
"Mysaly, óńirlerde kvotalardyń birkelki bólinbeýi, ata-analardyń senimsizdigi jáne túsindirý jumystarynyń jetkiliksizdigi, ashyq jáne jalpyǵa qoljetimdi kezektiliktiń bolmaýy, sondai-aq elde osyndai respýblikalyq ortalyqtardyń jetispeýshiligi boldy.
Osyǵan bailanysty, Densaýlyq saqtaý ministrligi alańynda Sybailas jemqorlyqqa qarsy is-qimyl agenttigi Arýjan Sainniń, vitse-ministr Viacheslav Dýdniktiń, aýmaqtyq densaýlyq saqtaý basqarmalarynyń, University Medical Center korporativtik qorynyń, sondai-aq BOUO basshylarynyń qatysýymen usynys qaraldy", - delingen Antikor málimetinde.
Talqylaý nátijeleri boiynsha QR Densaýlyq saqtaý ministrligi sybailas jemqorlyq táýekelderin azaitý maqsatynda óńirlerde respýblikalyq ortalyqtarǵa kvotalar bólý jónindegi komissiialar qurýdy josparlaǵan.
"Budan basqa, jaqyn arada ońaltý emine muqtaj adamdardyń jalpyǵa qoljetimdi elektron kezegi iske qosylady.
Bul sharalar qalpyna keltirý emin qajet etetinderdiń barlyǵyn esepke alýǵa jáne ońaltý kómegin kórsetý qyzmetteriniń ashyqtyǵyn arttyrýǵa múmkindik beredi.
Budan basqa, qazirgi ýaqytta BOUO jeke sektordan QR Densaýlyq saqtaý ministrliginiń vedomstvolyq baǵynystylyǵyna qaitarý boiynsha jumys aiaqtalýda" - delingen habarlamada..
Sybailas jemqorlyqqa qarsy qyzmet azamattardy kúmándi tulǵalardyń qyzmetterin paidalanbaýǵa jáne balalardy emdeý men ońaltýǵa jeńildikter alýdy tek zańdy negizderde júzege asyrýǵa shaqyrady.
