Qazaqstanda balalar sýitsidi 13%-ǵa azaidy, biraq balalarǵa jasalatyn zorlyq-zombylyq 15%-ǵa kóbeigen. Bul týraly QR Oqý-aǵartý ministri Ashat Aimaǵambetov aitty, dep habarlaidy QazAqparat.
«2015-2021 jyldary balalar sýitsidiniń deńgeii 13%-ǵa tómendedi. Biylǵy 6 aidyń qorytyndysy boiynsha balalar men jasóspirimder arasynda sýitsid byltyrmen salystyrǵanda 38%-ǵa azaidy. Degenmen bul áli de óte úlken problema. Tárbie jumystarynyń, oqýshylardy qosymsha bilimmen qamtýdyń nátijesinde balalar arasyndaǵy qylmys ta 18%-ǵa tómendedi», - dep atap ótti ministr Úkimettiń búgingi otyrysynda.
Biraq balalar arasyndaǵy quqyqbuzyshylyq aitarlyqtai tómendese de, eresekterdiń balalarǵa qatysty jasaityn quqyqbuzýshylyq áreketteri artqan.
«Balalarǵa qatysty turmystyq zorlyq-zombylyq 15%-ǵa, jynystyq tiispeýshilikke qatysty 9%-ǵa ósip otyr. Atalǵan máselelerdi sheshý úshin «Balalardyń qaýipsizdigin qamtamasyz etýdiń keshendi jospary» ázirlenedi», - dedi Aimaǵambetov.
