قازاقستاندا بالالار سۋيتسيدٸ 13%-عا ازايدى, بٸراق بالالارعا جاسالاتىن زورلىق-زومبىلىق 15%-عا كٶبەيگەن. بۇل تۋرالى قر وقۋ-اعارتۋ مينيسترٸ اسحات ايماعامبەتوۆ ايتتى, دەپ حابارلايدى قازاقپارات.
«2015-2021 جىلدارى بالالار سۋيتسيدٸنٸڭ دەڭگەيٸ 13%-عا تٶمەندەدٸ. بيىلعى 6 ايدىڭ قورىتىندىسى بويىنشا بالالار مەن جاسٶسپٸرٸمدەر اراسىندا سۋيتسيد بىلتىرمەن سالىستىرعاندا 38%-عا ازايدى. دەگەنمەن بۇل ەلٸ دە ٶتە ٷلكەن پروبلەما. تەربيە جۇمىستارىنىڭ, وقۋشىلاردى قوسىمشا بٸلٸممەن قامتۋدىڭ نەتيجەسٸندە بالالار اراسىنداعى قىلمىس تا 18%-عا تٶمەندەدٸ», - دەپ اتاپ ٶتتٸ مينيستر ٷكٸمەتتٸڭ بٷگٸنگٸ وتىرىسىندا.
بٸراق بالالار اراسىنداعى قۇقىقبۇزىشىلىق ايتارلىقتاي تٶمەندەسە دە, ەرەسەكتەردٸڭ بالالارعا قاتىستى جاسايتىن قۇقىقبۇزۋشىلىق ەرەكەتتەرٸ ارتقان.
«بالالارعا قاتىستى تۇرمىستىق زورلىق-زومبىلىق 15%-عا, جىنىستىق تيٸسپەۋشٸلٸككە قاتىستى 9%-عا ٶسٸپ وتىر. اتالعان مەسەلەلەردٸ شەشۋ ٷشٸن «بالالاردىڭ قاۋٸپسٸزدٸگٸن قامتاماسىز ەتۋدٸڭ كەشەندٸ جوسپارى» ەزٸرلەنەدٸ», - دەدٸ ايماعامبەتوۆ.
