Búgin beinekonferentsiia formatynda QR Prezidentiniń janyndaǵy Áielder isteri jáne otbasylyq-demografiialyq saiasat jónindegi Ulttyq komissiianyń kezekti otyrysy ótti, dep habarlaidy "Ult aqparat".
Kún tártibindegi negizgi máselelerdiń biri - sýitsidtiń aldyn alý, áielder men balalardy zorlyq-zombylyqtan jáne jynystyq qolsuǵylmaýshylyqqa qarsy qylmystardan qorǵaý boldy.
Ulttyq komissiia tóraǵasynyń orynbasary, Parlament Májilisiniń depýtaty L.Ramazanova otyrystyń ashylýynda balalar men áielder arasynda sýitsidtiń aldyn alý máseleleri joǵary ózektiligin saqtap otyrǵanyn atap ótti. Ulttyq komissiianyń ótken otyrysynda atalǵan másele boiynsha istiń mán-jaiy qaralyp, jumystyń basymdyqtary aiqyndalǵan bolatyn. Ulttyq komissiianyń ýákiletti organdary men sarapshylyq toptaryna naqty tapsyrmalar berildi. Sonymen qatar, qoǵamdy dúr silkindiretin sýitsid oqiǵalary kún tártibinde qala bermek.
Ishki ister ministriniń orynbasary Q. Súntaev aǵymdaǵy jaǵdai týraly baiandama jasady.
K. Súntaev «tájiribe kórsetkendei, balalar men jasóspirimderge ýaqytyly psihologiialyq kómek kórsetý boiynsha sharalar qabyldaý kerek. Osyndai sharalardy iske asyrý «táýekel tobyndaǵy» balalardy erte anyqtaýdy qamtamasyz etýge jáne sýitsidterdiń aldyn alý boiynsha ýaqtyly sharalar qabyldaýǵa yqpal etetin bolady», - dep atap ótti.
Sarapshylardyń keń aýqymyn tarta otyryp, vedomstvoaralyq jumys toby quryldy jáne sýitsidtiń aldyn alý boiynsha naqty sharalar ázirlendi. Jedel áreket etý ádisterine, onyń ishinde jumysyna zańgerler men qorǵaýshylardy tarta otyryp, Senim telefondary jelisin keńeitýge, olardyń qoljetimdiligin qamtamasyz etýge; kommýnikativtik jeliler arqyly habarlaý tetigin nyǵaitýǵa, sondai-aq sýitsidtiń aldyn alý júiesine qosylýǵa qoǵamdyq ortany keńinen yntalandyrýǵa basa nazar aýdaryldy.
Kún tártibindegi ekinshi másele áielder men balalardy zorlyq-zombylyqtan jáne jynystyq qolsuǵylmaýshylyqqa qarsy qylmystardan qorǵaý mindetterin talqylaý boldy. Sotqa deiingi tergeý jáne jeke tulǵaǵa qarsy qylmystyq ister boiynsha sot tóreligin iske asyrýdyń problemalyq máseleleri qaraldy.
Belgili advokat, quqyq qorǵaýshy Aiman Omarova mundai isterdi sotqa deiingi tergeý kezeńderinde quqyq qorǵaý jáne sot organdarynyń jumysynda qiyndyqtar bar ekenin atap ótti.
Sarapshylar jynystyq qolsuǵylmaýshylyqqa qarsy qylmystardy tergeýge baǵdarlana otyryp, politsiia organdaryndaǵy qurylymdyq bólimshelerdi kúsheitýdi usyndy.
Parlament Májilisiniń depýtaty L. Ramazanova otyrysqa qatysýshylarǵa turmystyq zorlyq-zombylyqtyń aldyn alý salasyndaǵy zańnamalyq bastamalardy usyndy. Olar otbasyndaǵy zorlyq-zombylyqtyń aldyn-alý máselelerin retteitin erejelerdi engizýge, otbasy institýtyn irgeli áleýmettik institýt retinde nyǵaitýǵa baǵyttalǵan. Ýákiletti memlekettik organdardyń quzyretterin, vedomstvoaralyq úilestirý jáne ózara is-qimyl tetigin naqtylaý usynylady.
Ishki ister ministriniń orynbasary K. Súntaev áielder men kámeletke tolmaǵandarǵa qatysty zorlyq-zombylyq (jynystyq) qylmystardy tergeý boiynsha toptar qurylǵanyn, olardyń quramyna respýblika boiynsha 280 tergeýshi-áiel kirgenin atap ótti. Respýblikada jumys istep turǵan mamandandyrylǵan ortalyqtar bazasynda jynystyq zorlyq-zombylyq qurbandaryna keshendi kómek kórsetý jónindegi pilottyq joba iske qosyldy (pilottyq joba eldiń 15 óńirinde 25 ortalyqta iske asyrylýda).
Bas prokýratýranyń Qylmystyq qýdalaý qyzmetiniń basshysy E. Saǵiev balalarǵa qatysty jynystyq qolsuǵylmaýshylyqqa qarsy qylmystar boiynsha ister árbir fakt tirkelgen sátten bastap túpkilikti protsestik sheshim qabyldanǵanǵa deiin Bas prokýratýranyń erekshe baqylaýynda ekenin atap ótti.
Ulttyq komissiia otyrysynyń qorytyndysy boiynsha memlekettik organdarǵa birqatar tapsyrmalar men usynymdar berildi. Atap aitqanda, otbasylar men bilim berý mekemelerindegi jaǵdaiǵa qoǵamdyq baqylaý quraldaryn keńeitý, buqaralyq kommýnikatsiia quraldary arqyly jedel den qoiý jáne psihologiialyq kómek quraldaryn engizý, senim qyzmetterin psiholog-mamandarmen jáne zańgerlermen nyǵaitý, quqyq qorǵaý organdaryndaǵy balalar men áielderdiń quqyqtaryn qorǵaý protsesterin monitoringteý úshin óńirlerdegi Ulttyq quqyq qorǵaý ortalyǵy ókildikteriniń resýrstaryn tartý jáne t. b. mindetter belgilendi.
