Almatyda kóptegen oqýshylar oqytýdyń aralas túrine kóshti. Oqýdyń sanitarlyq talaptary týraly onlain brifing barysynda qalalyq Sanitarlyq ekpidemiologiialyq baqylaý departamentiniń basshysy Jandarbek Bekshin aitty, dep habarlaidy QazAqparat.
«QR Bas memlekettik sanitarlyq dárigeriniń qaýlysyna sáikes, 5 jasqa deiingi balalar ǵana maskasyz júre alady. Al 5 jastan asqan balalar maska taǵýy tiis. Bul mekteptiń basqa da qyzmetkerleri men ustazdaryna qatysty», - dedi bas sanitarlyq dáriger.
Onyń aitýynsha, qazirgi koronavirýs tolqyny ótkendegimen salystyrǵanda balalarǵa jiirek juǵyp jatyr.
«Mysaly byltyr pandemiia bastalǵaly 281 oqýshy aýyrǵan. Al biyl jyl basynan beri 2 aida 500 oqýshy aýyrǵan. Bul mektepke deiingi bilim berý mekemelerine de qatysty. Eger byltyr sáýirden jeltoqsanǵa deiin 28 bala juqtyrsa, biyl 38 bala juqtyrǵan», - dedi spiker.
Bekshinniń aitýynsha, balalar oflain oqý kezinde de ata-analarynan, týystarynan juqtyryp jatyr.
«Kóbinese oflain formatta oqityn balalardyń 61%y úiinde juqtyrǵany anyqtalyp otyr. Al byltyr 4 muǵalim aýyrsa, biyl 10 muǵalim juqtyrǵan», - dedi Bekshin.
